सारंगखेडा l प्रतिनिधी
जालन्याचा एलएक्स नावाचा अश्व सारंगखेडा अश्व बाजाराचा सेलिब्रेटी ठरला आहे. अश्व बाजारात सर्वाधिक महागडा अश्व असून त्याची किमंत सव्वा कोटी रुपये आहे. अश्व बाजारात अश्वशौकीनांचे लक्षवेधले आहे.
काळ झपाट्याने आणि वेगाने बदलतो आहे. पण प्राचीन काळपासुन ते आजच्या मर्सिडीज कारच्या युगातही दळणवळणाचे साधन असलेल्या घोड्यांबाबतचे आकर्षण कायम आहे. साडेतीनशे वर्षाची परंपरा असलेल्या आणि शोले पासून बाहूबली पर्यंतच्या विविध चित्रपटांसाठी घोडे आणि घोडदळ पुरविणाऱ्या सारंगखेडा घोडेबाजारात उच्चप्रतीच्या घोड्यांची खरेदी विक्री सुरू आहे. गेल्या दोन दिवसात १६० घोडे विक्रीतुन ६० लाखांची उलाढाल झाली आहे. अश्व बाजारात सेलिब्रेटी ठरलेला एलएक्स हा मारवाड जातीचा असून तो मजबुत हाडे असलेला पंचकल्याणी आहे. त्याची उंची ६५ इंची एवढी आहे. हेवी स्टक्चर, देवमण कंठ असलेला आशण आहे व शुभ अश्वांचे लक्षण आहे व असे विविध लक्षणे आहेत. त्याची किमंत एक कोटी २५ लाख रुपये आहे. जालना येथील अब्दुल सौदागार यांचा अश्व असून त्याने पुणे इक्वेस्टेरीयन मिल्क मध्ये दुसरा क्रमांक मिळविला होता. त्याचे वय ४ वर्ष असून एलएक्स नाव ब्रिटन चा एक राजा तो कधीही पराभव झालेला न होता त्याचे नाव एलएक्स होते. त्याच्या अनुसार या अश्वाचे नाव ठेवण्यात आले आहे. येथील घोडे बाजारात विशेषतः पंजाब, सिंध, काठेवाड, मारवाड तसेच गावरान घोडयाचा समावेश आहे. त्यात पांढऱ्या घोडयांची संख्या अधिक आहे. काही जण घोडेस्वारी, टांगा, लग्नसोहळ्यासाठी घोडे खरेदी करतात. काही जण रेसकोर्स, घोडेसवारी, अश्व प्रदर्शन, स्पर्धा तसेच चित्रपट चित्रीकरणासाठी, लष्करासाठी घोडे खरेदी केली जातात. काही शौकीन मंडळी हौसेखातर घोडे खरेदी करतात. अश्व बाजारात विविध भाषा, संभाषण यामुळे परिसर गजबजून गेला आहे.
