नंदुरबार l प्रतिनिधी
अक्कलकुवा तालुक्यातील पेचरीदेव-खापर रस्त्यावर मोटारसायकलींच्या झालेल्या धडकेत दोघे दुचाकी चालक जखमी झाले असून याप्रकरणी अक्कलकुवा पोलिस ठाण्यात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, अक्कलकुवा तालुक्यातील खापर येथील आरिफ मजिद खाटीक हे दुचाकीने (क्र.एम.एच.३९ एच २२३०) पेचरीदेव-खापर रस्त्याने जात होते. यावेळी एका दुचाकी चालकाने त्याच्या ताब्यातील दुचाकी (क्र.जी.जे.१६ बीएच ५३८५) रस्त्याच्या परिस्थितीकडे दुर्लक्ष करुन डोंगरीपाडा गावाजवळ भरधाव वेगात दुचाकी चालवून समोरुन येणाऱ्या दुचाकीला धडक दिल्याने अपघात घडला. घडलेल्या अपघातात आरिफ खाटीक यांना दुखापत झाली. तसेच दोन्ही वाहनांचे नुकसान झाले. याबाबत आरिफ खाटीक यांच्या फिर्यादीवरुन अक्कलकुवा पोलिस ठाण्यात दुचाकी चालकाविरोधात भादंवि कलम २७९, ३३७, ३३८, ४२७, मोटार वाहन कायदा कलम १८४ प्रमाणे गुन्हा दाखल करण्यात आला आहे. पुढील तपास पोहेकॉ.मोहन शिरसाठ करीत आहेत.
