नंदूरबार l प्रतिनिधी
धडगाव तालुक्यातील सेलदा पाटीलपाडा येथे मासे चोरीच्या संशयावरून दोघांनी केला 29 वर्षीय युवकाचा खून केल्याची घटना घडली आहे या प्रकरणी एकास पोलिसांनी अटक केली आहे.
याबाबत पोलीस सूत्रांनी दिलेल्या माहितीनुसार,धडगाव तालुक्यातील सेलदा पाटीलपाडा येथील नर्मदा बॅक वॉटरच्या पूर्व कडील किनाऱ्यावर रुमाल्या मांगल्या पावरा याने जितेंद्र सुभाष पावरा याच्या मामाच्या जागेत विटभटटी लावली तसेच जितेंद्र पावरा व बोख्या धुडक्या पावरा हे दोघे दुसऱ्याचे जाळे टाकुन मासे धरत होते त्यातुन काही मासे घेतात असे रुमाल्या पावरा हा जाळे मालकाला सांगतो या संशयावरुन जितेंद्र पावरा व बोख्या धुडक्या पावरा या दोघांनी यापुर्वी शिवीगाळ व जिवे ठार मारण्याची धमकी दिली होती.जितेंद्र पावरा व बोख्या धुडक्या पावरा या दोघांनी रुमाल्या मांगल्या पावरा याला संगनमताने दगड व काठयांनी डोक्यावर मारहाण केली यात रुमाल्या मांगल्या पावरा ( वय २९) रा.सेलदा पाटीलपाडा ता. धडगाव याचा मृत्यू झाला.या प्रकरणी वसीबाई रुमाल्या पावरा रा.सेलदा पाटीलपाडा ता. धडगाव यांच्या फिर्यादीवरून धडगाव पोलीस ठाण्यात जितेंद्र सुभाष पावरा, बोख्या धुडक्या पावरा दोन्ही रा. सेलदा पाटीलपाडा ता. धडगाव यांच्या विरुद्ध भादवी कलम 302,504,506,34 प्रमाणे गुन्हा दाखल करण्यात आला आहे. पोलीसांनी याप्रकरणी जितेंद्र सुभाष पावरा याला अटक केली आहे.याप्रकरणी पुढील तपास पोनि जी.आर.औताडे करीत आहेत.
