खा.शरदचंद्र पवार यांच्या दीर्घायुष्यासाठी राष्ट्रवादी ओबीसी सेलतर्फे अभिषेक, महाआरती व प्रसादाचे वाटप

नंदुरबार | प्रतिनिधी
राष्ट्रवादी कॉंग्रेसचे राष्ट्रीय अध्यक्ष खा.शरदचंद्र पवार यांच्या वाढदिवसानिमित्त राष्ट्रवादी ओबीसी सेलचे प्रदेशाध्यक्ष ईश्वर बाळबुधे यांच्या मार्गदर्शनाखाली राष्ट्रवादी ओबीसी सेल नंदुरबार जिल्हातर्फे खा.शरदचंद्र पवार यांच्या दीर्घायुष्यासाठी अभिषेक, महाआरती व प्रसादाचे आयोजन तळोदा येथे श्री.सिद्धिविनायक मंदिरात करण्यात आले होते,

सदर अभिषेक व महाआरती ही राष्ट्रवादी कॉंग्रेस पार्टीचे प्रदेश उपाध्यक्ष व माजी आ. उदेसिंग पाडवी यांच्या हस्ते करण्यात आली , प्रसादाचे वाटप राष्ट्रवादी ओबीसी सेलचे प्रदेश सरचिटणीस एन.डी.पाटील यांच्या हस्ते करण्यात आले, सर्व पदाधिकारी व कार्यकर्त्यांनी श्री.पवार यांच्या दीर्घायुष्यासाठी श्री.गणरायास साकडे घालत वयाचे शतक पार करावे अशी प्रार्थना केली, या कार्यक्रमाचे आयोजन राष्ट्रवादी कॉंगेस पार्टी ओबीसी सेल नंदुरबार जिल्हाध्यक्ष कमलेश चौधरी यांनी केले होते , कार्यक्रमास राष्ट्रवादी कॉंग्रेस जिल्हा उपाध्यक्ष रामराव आघडे, जिल्हा कोषाध्यक्ष निखिल तुरखिया , तळोदा राष्ट्रवादी शहराध्यक्ष योगेश मराठे, केसरसिंह क्षत्रिय कृषी उत्पन्न बाजार समिती सदस्य भरत चौधरी, नगरसेवक हितेंद्र क्षत्रीय, डॉ. तुषार सनसे, आरिफभाई नुरा, श्री.गिरनार, याकुबभाई पिंजारी, राष्ट्रवादी युवक कॉंग्रेसचे नेते संदीप परदेशी, युवक तालुकाध्यक्ष कमलेश पाडवी, युवक शहराध्यक्ष योगेश पाडवी, आदीलभाई शेख उपस्थित होते. कार्यक्रमाच्या यशस्वीतेसाठी राष्ट्रवादी ओबीसी सेल शहादा शहराध्यक्ष आकाश शिंपी, जिल्हा उपाध्यक्ष भालचंद्र निकम, जिल्हा चिटणीस अरविंद पाटील यांनी परिश्रम घेतले.