नंदूरबार l प्रतिनिधी
नंदूरबार येथील बाहेरपूरा भागातील युवक योगेश गणेश सोनवणे देशसेवेसाठी भारतीय सैन्यात दाखल झाला त्यानंतर प्रथमच नंदुरबारला आपल्या आल्याने त्याचे वाजत-गाजत रेल्वे स्थानकावरून घरापर्यंत मिरवणुक काढून पुष्पवृष्टी करीत जंगी स्वागत करण्यात आले.
नंदुरबार येथील बाहेरपूरा भागातील योगेश गणेश सोनवणे हा युवक गेल्या वर्षभरापूर्वी भारतीय सैन्य दलात दाखल झाला त्यानंतर त्याचे हैदराबाद येथे प्रशिक्षण पूर्ण करून आसाममधील गुवाहाटी येथे नुकताच गनर या पदावर रूजू झाल्यानंतर आपल्या नंदनगरीतील घरी आला तत्पूर्वी त्याची रेल्वेस्थानकावरून मित्रपरिवार नातेवाईकांचा समवेत घरापर्यंत वाजत गाजत मिरवणूक काढण्यात आली घरी आल्यानंतर महिला व भगिनींनी ऑप्शन केले काहींना आनंदाश्रू अनावर झाले यावेळी आई वडील भारावले होते सर्वांची भेट घेत केक कापून आनंद व्यक्त केला.यावेळी परिसरातील युवक ,महिला, पुरुष उपस्थित होते. माझ्या मुलाची देशसेवेसाठी सैन्यात निवड झाल्याबद्दल आम्हाला अभिमान वाटत असल्याची आईवडिलांनी प्रतिक्रिया दिली.यावेळी वडील गणेश सोनवणे, आई रेखा सोनवणे ,सचिन सोनवणे, दामिनी सोनवणे ,प्रभा सोनवणे ,मंगल सोनवणे, जितेंद्र सोनवणे ,अनिता सोनवणे यांच्यासह परिसरातील नागरिक उपस्थित होते.
