नंदुरबार l प्रतिनिधी
जिल्हाभरात ओमायक्रोन व्हेरियंटचा प्रसार आणि तिसऱ्या लाटेची शक्यता या पार्श्वभूमीवर घरोघर लसीकरण मोहीम वेगात राबवायला सुरुवात करण्यात आली आहे . त्यादरम्यान जिल्हाधिकारी मनीषा खत्री यांनी अचानक प्रवासी वाहन थांबवत गाडीतील प्रवाश्यांची कोव्हीड लसीकरण तपासणी केली.
कोरेाना विषाणूचा प्रादुर्भाव रोखण्यासाठी तसेच नव्याने आलेल्या ‘ओमायक्रॉन’ या विषाणूच्या पार्श्वभूमीवर आणि संभाव्य तिसरी लाट रोखण्यासाठी नंदुरबार जिल्ह्यात 8 ते 10 डिसेंबर, 2021 या कालावधीत ‘कोविड-19’ लसीकरण मोहीम राबविण्यात येत आहे. दरम्यान आज ग्रामपंचायत-तिखोरा ता शहादा येथे लसीकरण कॅम्प ला भेट देण्यासाठी जिल्हाधिकारी मनीषा खत्री जात असताना त्यांनी अचानक प्रकाशा ते लहान शहादा दरम्यान गाडीतून उतरून अचानक प्रवासी वाहन थांबवत गाडीतील प्रवाश्यांची कोव्हीड लसीकरण तपासणी केली. त्यामुळे एकच खळबळ उडाली.नंदूरबार तालुक्यात अनेक ग्रामपंचायतीतर्फे
कोव्हीड लसीकरणाची तपासणी करण्यात येत आहे.नंदूरबार आरोग्य विभागातर्फे आज तालुक्यातील 42 गावे आणि नंदुरबार शहरातील 11 कॉलनीत कोविड प्रतीबंधक लसीकरण शिबिर आयोजित करण्यात आले आहे.
