नंदूरबार l प्रतिनिधी
नंदुरबार तालुक्यातील ईसाइनगर ते केसरपाडा नाक्यावर नंदुरबारहुन – सुरतकडे जाणाऱ्या श्रीहरी ट्रॅव्हल्सने सायकलला मागून धडक दिल्याने सायकलस्वार जागीच ठार झाल्याची घटना घडली आहे. .
याबाबत अधिक माहिती अशी की , नंदुरबारहुन – सुरतकडे जाणाऱ्या श्रीहरी ट्रॅव्हल्स ( क्र.जी.जे ०३ वाय ०६८९ ) काल दि . ७ रोजी दुपारी साडेतीन वाजेच्या सुमारास प्रवासी घेवून जात होती . नंदुरबार तालुक्यातील धानोरा येथील ईसाइनगर ते केसरपाडा नाक्यावर सदरच्या ट्रॅव्हल्स चालकाने भरधाव वेगाने वाहन चालवून पुढे चालणाऱ्या सायकलस्वारास धडक दिली . अपघातात वाहनाचे चाक सायकलस्वाराच्या डोक्यावरुन गेल्याने अक्षरश : चेंदामेंदा झाला होता . यात विष्णू जर्मन गावित ( वय ५०) रा . कोठलीचा बारीपाडा याचा जागीच मृत्यू झाला . अपघात घडल्याची माहिती कळताच घटनास्थळी उपनगरचे जमादार केशव गावित , पोकॉ . अनिल गावित , पोहेकॉ . अंकुश गावित यांनी धाव घेतली . उशिरापर्यंत गुन्ह्याची नोंद करण्यात आली नव्हती.
