शहादा शहरासह तालुक्यातून दोन मोटारसायकल लंपास

नंदुरबार l प्रतिनिधी
शहादा शहरासह तालुक्यातील कलमाडी येथून दोन दुचाकी चोरट्यांनी लंपास केल्याची घटना दाखल करण्यात आली आहे. याप्रकरणी आज्ञाता विरूद्ध गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, शहादा येथील चिराग मुक्तार मोमीन यांच्या मालकीची दुचाकी (क्र.एम.एच.३९ एक्स ४५८६) चोरट्याने बेलदार जमातखाना येथील घराच्या अंगणातून लंपास केली. तसेच शहादा तालुक्यातील कलमाडी येथील दीपक विठ्ठल चौधरी यांच्या मालकीची दुचाकी (क्र.एम.एच.३९ आर ६९३४) घरासमोरुन चोरट्याने लंपास केली. याबाबत शहादा पोलिस ठाण्यात दोन वेगवेगळे गुन्हे दाखल करण्यात आले आहे.