नंदुरबार| प्रतिनिधी
भारतीय हवामानविभाग, प्रादेशिक हवामान केंद्र, मुंबई यांच्या कडून प्राप्त हवामान अंदाजानुसार, अरबी समुद्रात तयार झालेल्या कमी दाबाच्या क्षेत्रामुळे नंदुरबार जिल्ह्यात दि. ३०नोव्हेंबर आणि १डिसेंबर रोजी तुरळक ठिकाणी हलक्या स्वरूपाचा पाऊस पडण्याची शक्यता आहे.दरम्यान कमाल तापमान३२अंश सेल्सिअस तर किमान तापमान१६अंशसेल्सिअस पर्यंत राहण्याची शक्यताआहे.शेतकरी बांधवानी पावसाची शक्यता असल्याने पक्वता अवस्थेत असलेल्या पिकांची काढणी करून आणि कपाशीची वेचणी करून सुरक्षित ठिकाणी ठेवावे. पथारी वर वाळत ठेवलेल्या मिरच्या सुरक्षित ठिकाणी ठेवाव्यात. वेळेवर पेरणी केलेल्या रबी पिकात पडणार्या पावसामुळे ओलावा टिकवून ठेवण्यासाठी आंतरमशागतीची कामेकरून घ्यावी.पुरेश्या ओलाव्या वर रबी पिकांची पेरणी पूर्ण करून घ्यावी.असे आवाहन जिल्हा कृषि हवामान केंद्र, डॉ. हेडगेवार सेवा समिती, कृषि विज्ञान केंद्र, नंदुरबार यांनी केले आहे.
