नंदुरबार l प्रतिनिधी
राज्यात सर्वत्र विविध व्यवसायांना शासनाने मुभा दिली असून ऐन लग्नसराईत साऊंड व्यावसायिकांना परवानगी द्या अन्यथा लाक्षणिक उपोषण आला बसण्याचा इशारा आई तुळजाभवानी साऊंड डीजे असोसिएशन तर्फे देण्यात आला आहे. या संदर्भात प्रभारी जिल्हाधिकारी तथा अपर जिल्हाधिकारी महेश पाटील यांना आई तुळजाभवानी साऊंड डीजे सायकल नि दिलेल्या निवेदनात म्हटले आहे की, राज्य शासनाने नियमावली सादर केल्याप्रमाणे राज्यातील सर्व साऊंड (डीजे) व्यवसायिक आता कोरोना पार्श्वभूमीवर नियमांचे पालन करून तुळशी विवाह नंतर जिल्ह्यातील विविध विवाह समारंभ आणि इतर कार्यक्रमात सहभागी होणार आहेत. पोलीस प्रशासनाकडून वेळोवेळी विचारणा होऊ लागली आहे. राज्य शासनाच्या आदेशानुसार जिल्हाधिकारी यांच्यामार्फत परवानगी पत्र उपलब्ध करून द्यावे अशी मागणी करून पुढे म्हटले आहे की,दीड वर्षापासून साऊंड (डीजे )व्यवसाय बंद असल्याने अनेक कुटुंबाची उपासमार होत आहे.या मागणीचा सहानुभूतीपूर्वक विचार करून जिल्हा प्रशासनाकडून परवानगी पत्र मिळण्यावे अन्यथा जिल्ह्यातील सर्व साऊंड (डीजे) व्यवसायिक नंदुरबार शहर पोलीस ठाणे किंवा जिल्हाधिकारी कार्यालयासमोर लाक्षणिक उपोषणास बसणार आहेत. या निवेदनावर आई तुळजाभवानी साऊंड असोसिएशनचे जिल्हाध्यक्ष पंडित माळी, उपाध्यक्ष किरण चव्हाण, अशोक मराठे, सचिव राकेश कापडे, सहसचिव दर्शन चौधरी,खजिनदार शैलेश पवार, तसेच खंडू माळी,धीरज कुवर,वरूण चव्हाण, रवींद्र अहिरे आदींच्या स्वाक्षऱ्या आहेत.
