नंदुरबार l प्रतिनिधी
येथील प्रसिद्ध नेत्रतज्ञ डॉ.अनिल शाह यांना महाराष्ट्र नेत्र तज्ञ संघटनेतर्फे बेस्ट ऍकेडमी प्रायव्हेट प्रॅक्टिशनर अवॉर्डने गौरविण्यात आले.
नुकतेच महाराष्ट्र नेत्र तज्ञ संघटनेची पुणे येथे कॉन्फरन्स पार पडली. यावेळी नंदुरबार येथील सूर्यकांता डोळ्यांचे हॉस्पिटलचे प्रसिद्ध नेत्रतज्ञ डॉ.अनिल शाह यांना बेस्ट ऍकेडमी प्रायव्हेट प्रॅक्टिशनर अवॉर्डने सन्मानित करण्यात आले आहे. डॉ.अनिल शाह यांनी डोळ्यांच्या वेगवेगळ्या आजारावर भारतासह परदेशात झालेल्या कॉन्फरन्समध्ये संशोधन प्रकाशित केले आहेत. त्यांनी ग्रामीण भागात राहून लोकऊपयोगी संशोधन केले. त्यांच्या या कार्याची महाराष्ट्र नेत्र तज्ञ संघटनेने दखल घेऊन त्यांना बेस्ट ऍकेडमी प्रायव्हेट प्रॅक्टिशनर अवॉर्डने गौरविण्यात आले. अश्या प्रकारचा अवॉर्ड महाराष्ट्रात मिळविणारे डॉ.अनिल शाह हे प्रथमच आहेत. सदर पुरस्कार पद्मश्री डॉ.तात्याराव लहाने यांच्या प्रमुख उपस्थितीत देण्यात आला. यावेळी महाराष्ट्र नेत्र तज्ञ संघटनेचे प्रेसिडेंट डॉ.परिक्षीत गोगटे, डॉ.रागिनी पारेख, डॉ.स्वप्नेश सवांत, डॉ.शिरीष थोरात, डॉ.पंकज शाह व डॉ.तासवाला उपस्थित होते. डॉ.अनिल शाह यांचे सर्वत्र अभिनंदन होत आहे.
