नंदुरबार l प्रतिनिधी
उमेद-महाराष्ट्र राज्य ग्रामीण जीवनोन्नती अभियानांतर्गत पंचायत समिती आवारात आज स्वयं सहायता समूहांनी दिवाळी सणानिमित्ताने तयार केलेले खाद्यपदार्थांचे विक्री स्टाल लवण्यात आले. पंचायत समितीचे उपसभापती कमलेश महाले यांनी उद्घाटन केले.
या प्रसंगी सहायक गटविकास अधिकारी सुवर्णा पवार, तालुका अभियान व्यवस्थापक अजय जाधव, विस्तार अधिकारी एन जी पाटील इत्यादी उपस्थित होते.
उमेद-महाराष्ट्र राज्य ग्रामीण जीवनोन्नती अभियानाच्या माध्यमातून महिलांचे सामाजिक व आर्थिक समावेशन, महिला सक्षमीकरणाला खर्या अर्थाने चालना मिळाली आहे. अभियानाच्या माध्यमातून स्वयं सहायता समूहांना आर्थिक व वित्तीय सेवा उपलब्ध केल्या जात आहे. अभियानातील विविध नाविन्यपूर्ण उपक्रमांमुळे स्वयं सहायता समूहातील महिलांची क्षमता बांधणी होऊन त्यांच्यामध्ये असलेल्या कला-कौशल्यच्या माध्यमातून ते स्वतची उपजीविका बळकट करण्यासाठी प्रयत्न करत आहेत.
दिवाळी सणाचे औचीत्त्य साधून नंदुरबार तालुक्यातील स्वयं सहायता समूहांनी तयार केलेले विविध खाद्यपदार्थ विक्रीसाठी स्टाल आयोजित केल्यामुळे विविध खमंग पदार्थांची एक मेजवानीच उपलब्ध झाली आहे. स्वयं सहायता समूहांनी लावलेल्या या स्टालला अतिशय चांगला प्रतिसाद मिळत आहे. सभापती प्रकाश गावित उपसभापती कमलेश महाले, सहाय्यक गटविकास अधिकारी कल्पना पवार या स्टालबाबत गटविकास अधिकारी महेश वळवी यांनी अतिशय मार्गदर्शन केले.
