नांदरखे येथे आंतरराष्ट्रीय योग दिवस साजरा
नंदुरबार l प्रतिनिधी-
प्रगती विद्या प्रसारक संस्था नंदुरबार संचलित, वि.जा.भ.ज. प्राथमिक व माध्यमिक आश्रम शाळा नांदरखे येथे आंतरराष्ट्रीय योग दिवस साजरा करण्यात आला.
योग दिनानिमित्ताने मुख्याध्यापिका प्राप्ती पाटील व प्राथमिक मुख्याध्यापक सागर नामगे सर्व शिक्षक व शिक्षकेतर कर्मचारी शाळेतील विद्यार्थी मोठ्या संख्येने उपस्थित होते. कार्यक्रमाच्या सुरुवातीला प्राथमिक मुख्याध्यापक श्री .नामगे यांनी विद्यार्थ्यांना योग दिवसाचे महत्त्व सांगितले दरवर्षी २१ जून हा दिवस आंतरराष्ट्रीय योग दिवस म्हणून जगभरात मोठ्या उत्साहाने साजरा केला जातो. योगासने आणि प्राणायामामुळे शारीरिक व मानसिक आरोग्य उत्तम राहते.
शारीरिक आरोग्य: नियमित योगासने केल्याने शरीराची लवचिकता वाढते, स्नायू बळकट होतात आणि वजन नियंत्रणात राहते.मानसिक शांतता: प्राणायाम आणि ध्यान (Meditation) केल्याने तणाव, चिंता दूर होते आणि मन शांत होते。फुफ्फुसांची क्षमता: श्वासोच्छवासाच्या व्यायामांमुळे श्वसनसंस्था निरोगी राहते.जीवनशैलीचे आजार: मधुमेह, रक्तदाब आणि हृदयविकार यांसारख्या आजारांना दूर ठेवण्यास योग मदत करतो.
यानंतर सर्व विद्यार्थी व शिक्षक यांनी योगासनेचे प्रकार,प्राणायाम व सूर्यनमस्कार करून घेतले. कार्यक्रम यशस्वी साठी सर्व शिक्षक व शिक्षकेतर कर्मचारी यांनी परिश्रम घेतले
