नंदुरबार जिल्ह्यात एक खत परवाना रद्द, ६ निलंबित

नंदुरबार जिल्ह्यात एक खत परवाना रद्द, ६ निलंबित

नंदुरबार l प्रतिनिधी-

जिल्ह्यात खत विक्री परवान्यांवर मोठी कारवाई करण्यात आली असून १ परवाना रद्द तर ६ परवाने निलंबित करण्यात आले आहेत. ही कारवाई जिल्हा कृषी विभागाकडून करण्यात आली आहे. खरीप हंगामाच्या पार्श्वभूमीवर खत साठा व विक्रीची तपासणी मोहीम तीव्र करण्यात आली आहे.

तपासणीदरम्यान कृषी अधिकारी व गुण नियंत्रण पथकांकडून ई-पॉस यंत्रणा तसेच खत साठ्यांची पाहणी करण्यात आली. नियमभंग आढळलेल्या दुकानदारांची सुनावणी घेऊन खत नियंत्रण आदेश १९८५ नुसार संबंधितांवर योग्य ती कारवाई करण्यात आली.

तालुकानिहाय कारवाई पुढीलप्रमाणे :

नवापूर : १ निलंबित, २ तक्रारी
शहादा : १ परवाना रद्द, ५ निलंबित

दरम्यान, शेतकऱ्यांनी युरिया व इतर खत खरेदी करताना आधार कार्ड सोबत ठेवावे तसेच आधार लिंक करूनच खरेदी करावी, असे आवाहन कृषी विभागाने केले आहे. परवाना धारकांनी खतासह इतर साठ्याची विक्री नियमांनुसार करावी, अन्यथा दोषी आढळल्यास कठोर कारवाई करण्यात येणार असल्याचा इशाराही देण्यात आला आहे.

ही तपासणी मोहीम पुढील काळातही सुरू राहणार असल्याची माहिती जिल्हा अधीक्षक कृषी अधिकारी शंकर सोमनाथ किरवे यांनी दिली.