नंदुरबार l प्रतिनिधी-
पथराई ता. नंदुरबार येथे मराठी भाषा गौरव दिनाच्या निमित्ताने के. डी.गावित सैनिकी विद्यालय व कनिष्ठ विज्ञान महाविद्यालय काव्यगायन स्पर्धेचे आयोजन करण्यात आले.
कार्यक्रमाच्या अध्यक्षस्थानी शाळेचे प्राचार्य शरद पाटील हे होते, तर प्रमुख अतिथी म्हणून संदीप ईशी यांनी उपस्थिती लाभली.
स्पर्धेचे परीक्षण विकास पाटील व श्रीमती विद्या पाडवी यांनी केले. कार्यक्रमाची सुरुवात विद्यार्थ्यांच्या मनोगताने झाली. विद्यार्थ्यांनी आपल्या मनोगतातून मराठी भाषेचे महत्त्व, तिचा गोडवा व अस्मिता प्रभावीपणे मांडली.
प्रमुख अतिथी संदीप ईशी यांनी मराठी भाषेचा समृद्ध इतिहास उलगडून सांगितला.
अध्यक्षीय भाषणात प्राचार्य शरद पाटील यांनी कविवर्य कुसुमाग्रज यांचे मराठी भाषेसाठीचे योगदान हे महत्त्वपूर्ण असल्याने त्यांच्या जन्मदिवस हा मराठी भाषा गौरव दिन साजरा केला जातो असे मत व्यक्त केले.तसेच काव्यगायन स्पर्धेत सहभागी झालेल्या सर्व विद्यार्थ्यांचे कौतुक केले.
स्पर्धेनंतर निकाल जाहीर करण्यात आला.यात प्रथम क्रमांक प्रतिक राजेंद्र पावरा, द्वितीय क्रमांक विकास दारख्या वळवी, तर तृतीय क्रमांक दक्ष शिवराज पाडवी व आकाश रमेश तडवी या विद्यार्थ्याने पटकावला.
कार्यक्रमाचे सूत्रसंचालन श्रीमती शुभांगी पाटील यांनी केले, तर विकास पाटील यांनी आभार प्रदर्शन केले.
या कार्यक्रमाचे आयोजन विकास पाटील, प्रवीण शिवदे, विनायक वळवी, सुरेश पाडवी व श्रीमती शुभांगी पाटील यांनी केले.
मराठी भाषेप्रती अभिमान जागवणारा व विद्यार्थ्यांच्या सर्जनशीलतेला व्यासपीठ देणारा हा कार्यक्रम उपस्थितांच्या मनावर ठसा उमटवून गेला.
