नंदुरबार l प्रतिनिधी-
नंदुरबार जिल्हा परिषद ‘सांस्कृतिक कला व क्रीडा महोत्सव २०२६’ चा शुभारंभ प्रसंगी आयोजित रॅलीमध्ये सैनिकी विद्यालयाचा विद्यार्थ्यांचे ‘मल्लखांब’ या पथकाने सर्वांचे लक्ष वेधून घेतले.
प्रशासकीय कामाच्या व्यापातून विरंगुळा मिळावा आणि अधिकारी कर्मचाऱ्यांच्या सुप्त गुणांना वाव मिळावा या उद्देशाने जिल्हा परिषद नंदुरबार आयोजित ‘सांस्कृतिक कला व क्रीडा महोत्सव २०२६ ‘च्या दिमाखदार सोहळ्यात जिल्हा पोलिस ग्राउंड येथे
पथसंंचलनाबरोबर विविध पथकांनी आपली कला सादर केली.
यात पथराई ता. नंदुरबार येथील के.डी. गावित सैनिकी विद्यालय व कनिष्ठ विज्ञान महाविद्यालय विद्यार्थ्यांनी चालत्या ट्रेलरमध्ये मल्लखांब या खेळाची प्रात्यक्षिके दाखवत उपस्थितांची मने जिंकली.
क्रीडाशिक्षक शांताराम पाटील यांच्या मार्गदर्शनात अतिशय शिस्तबद्धरित्या विद्यार्थ्यांनी विविध वैयक्तिक आसने तसेच मनोरे इत्यादी मल्लखांबाचे प्रात्यक्षिके सादर करून मान्यवरांची तसेच उपस्थितांची दाद मिळवली.
याप्रसंगी जिल्हाधिकारी मिताली सेठी , जि. प .चे मुख्य कार्यकारी अधिकारी नमन गोयल, चंद्रकांत पवार ,अतिरिक्त मुख्य कार्यकारी अधिकारी गणेश मोरे उपमुख्य कार्यकारी अधिकारी उदय कुसुरकर ,उपमुख्य कार्यकारी अधिकारी हरिभाऊ हाके , सैनिकी शाळेचे प्राचार्य शरद पाटील, प्रशिक्षक शांताराम पाटील ,उमेश राजपूत तसेच अरुण पवार हे उपस्थित होते.
