नंदुरबार l प्रतिनिधी-
भारत सरकारच्या प्रशासकीय सुधारणा आणि सार्वजनिक तक्रार विभाग यांच्या मार्फत ‘सुशासन सप्ताह-प्रशासन गाव कि ओर’ 19 डिसेंबर पासून सुरू झाला असून आज 21 डिसेंबर रोजी कोपर्ली येथे शिबिराचे शिबिरांचे आयोजन करण्यात आले असल्याचे नंदुरबारचे तहसिलदार मिलिंद कूलथे यांनी एका शासकीय प्रसिद्धी पत्रकान्वये कळविले आहे.
या शिबिरात महसूल विभागामार्फत देण्यात येणार विविध दाखले, संजय गांधी निराधार योजना, श्रावणबाळ सेवा राज्य निवृत्तीवेतन योजना, इंगायो-वृध्दापकाळ योजना, इंगायो विधवा योजना व अपंग योजना तसेच पुरवठा विभागामार्फत देण्यात येणाऱ्या जसे अत्योंदय योजना व प्राधान्य कुंटुब लाभ योजना इत्यादी योजनांचा समावेश करण्यात आला असून विविध तक्रारींकडे निवारण करण्यात येणार आहे.
या सप्ताहाचा उद्देश सुशासनाला चालना देण्यासाठी असून या मोहिमेंतर्गत केंद्र सरकार व राज्य सरकारच्या विविध विभागाच्या सहभागाने आज (21 डिसेंबर 2024 ) रोजी कोपर्ली येथे आयोजित शिबिरात कोपर्ली, अमळथे, ओसर्ली, बह्याणे, सातुर्खे येथील नागरीकांनी मोठ्या संख्येने लाभ घ्यावा असे आवाहन तहसिलदार श्री. कुलथे यांनी या प्रसिद्धी पत्रकान्वये कळविले आहे.
