महाविकास आघाडीला खडडयात घालणारी ही दाढी आहे, या दाढीला हलक्यात घेवू नका : मुख्यमंत्री एकनाथ शिंदे

नंदुरबार l महेश पाटील

तुम्हाला रस्त्यावर उतरणारे सरकार पाहिजे की फेसबूकवर चालणारे सरकार पाहिजे. असे सांगत
अक्कलकुवा विधानसभेचा आमदार हा मुंबईत असतो.मग अशा आमदाराचे इथे काय काम आहे. याआमदाराचे स्थलांतर करुन पाठवून दया. आमदार के. सी.पाडवी यांनी मुंबईतच मतदार संघ शोधला पाहिजे तिथे निवडणूक लढवली पाहिजे. बाप आमदार ,मुलगा खासदार,ही मक्तेदारी थांबवा असे सांगत महायुती असतांनाही माजी खासदाराने बंडखोरी केली आहे त्यांनाही हद़द़पार करा असा टोला माजी खासदार डॉ.हिना गावित यांना लगावला.महायुतीचेच सरकार राज्यात येणार आहे.तेव्हा बंडखोरी करणाऱ्यांना हद़दपार व्हावे लागणार आहे.महाविकास आघाडीला खडडयात घालणारी ही दाढी आहे.या दाढीला हलक्यात घेवू नका,असा इशाराही मुख्यमंत्री एकनाथ शिंदे यांनी दिला.धडगाव येथे शिवसेनेचे उमेदवार आमश्या पाडवी यांच्या प्रचारार्थ् आयोजित सभेत ते बोलत होते.

मुख्यमंत्री एकनाथ शिंदे म्हणाले, तुम्हाला रस्त्यावर उतरणारे सरकार पाहिजे की फेसबूकवर चालणारे सरकार पाहिजे. आम्हाला खुप करायचे आहे.गोर गरीबांच्या जीवनात चांगले दिवस आणायचे आहेत,आदिवासी बांधवांना न्याय मिळाला पाहिजे,या गावात एमआयडीसी जाहीर करणार जेणे करुना इथल्या मतदारांना रोजगार उपलब्ध़ होईल, मतदार संघ एक नंबर आहे. मात्र विकासात शेवटचा नंबर आहे.इथल्या मतदारांनी आशिर्वाद दिले तर हा मतदार संघ विकासात एक नंबर करीन. बांबू लागवडीला सहा लाख रुपये एकरी दिले जातात.याचा लाभ घ्या, आचार संहिता संपल्यानंतर दोन ॲम्बुलन्स उपलब्ध करून देईन, असे आश्वासन त्यांनी दिले.
समोर कोण उभा आहे,किती पैसेवाला आहे,हे पाहू नका.या निवडणूकांमध्ये सुपडा साफ करुन टाका.आई देवमोगरा मातेच्या आशिर्वादाने धनुष्यबाणाला मतदान करा. मोलगीला तालुक्याचा दर्जा देणार,नर्मदेचे पाणी धडगावला आणण्यासाठी पाणी पुरवठा योजना मंजूर केली मात्र त्याला खोडा घालण्यात आला.ज्यांनी खोडा घातला अशांनाही जागा दाखवा.विकासाचा अजंडा आम्ही पुढे नेतो आहे,रक्ताचा शेवटचा श्वास असे पर्यंत मला जनतेची सेवा करायची आहे.,असेही शिंदे यांनी सांगितले. महायुतीची गाडी या एकनाथ शिंदे च्या दाढीमुळे खडडयात गेली आहे,मला हलक्यात घेवू नका असेही ते म्हणाले.

*एकदा शब्द दिला तो शब्द मी फिरवत नाही*

धडगाव येथे प्रचार सभे दरम्यान मुख्यमंत्री एकनाथ शिंदे यांनी अक्कलकुवा विधानसभेचे आमदार के. सी.पाडवी यांच्यावर शाब्दिक हल्ला केला. त्यांनी सांगितले की, आमदार हा मुंबईत असतो.मग अशा आमदाराचे इथे काय काम, आमदाराचे स्थलांतर करुन पाठवून दया. निवडणूका आल्या की बाता मारायच्या आणि निवडणूक झाली की गायब व्हायचे हे थांबले पाहिजे.के सी पाडवी यांनी मुंबईतच मतदार संघ शोधला पाहिजे तिथे निवडणूक लढवली पाहिजे. असं सांगत

ही सिट निवडून आल्यास चंद्रकांत रघवूंशी यांना आमदार व विजयसिंग पराडके यांना महामंडळाचे अध्यक्ष करु, असा शब्द़ मुख्यमंत्री एकनाथ शिंदे यांनी धडगाववासिंयाना दिला. मी एकदा शब्द़ दिला तो शब्द़ मी फिरवत नाही असेही त्यांनी सांगितले.

हा मतदार संघ शिंदेच्या झोळीत टाकण्याचे आश्वासन रघूवंशी यांनी दिल्याने त्या मोबादल्यात चंद्रकांत रघूवंशी यांना विधान परीषदेचे तिकीट देण्यात येणार असल्याच्या डिलवर शिक्कामोर्तब करण्यात आले.