नंदुरबार l प्रतिनिधी
नंदुरबाहून सुरत कडे जाणाऱ्या इंधन वाहून नेणाऱ्या मालगाडीचे डब्बे रुळावरुन घसरल्याची बातमी प्रशासनाला प्राप्त झाली.त्यानंतर यंत्रणेची एकच धावपळ उडाली.त्याठिकाणी पोलीसांसह रेल्वेच्या साऱ्याच यंत्रणांनी घटनास्थळाकडे धाव घेतली. मात्र याठिकाणी रेल्वेकडून अतिशय गोपनिय पद्धतीने मॉकड्रील घेण्याचे समजले.
नंदुरबार शहरापासून सुमारे दहा ते पंधरा किलोमीटर अंतरावर असलेल्या रनाळे जळखे परिसरात रेल्वे रुळावरुन मालगाडी घसरल्याच्या बातमीने काल यंत्रणेची चांगलीच धावपळ उडाली. दुपारी तीनच्या सुमारास रेल्वे पोलीसांसह यंत्रणेला जळखे रनाळे परिसरात नंदुरबाहून सुरत कडे जाणाऱया इंधन वाहून नेणाऱ्या मालगाडीचे डब्बे रुळावरुन घसरल्याची बातमी प्राप्त झाली. यानंतर पोलीसांसह रेल्वेच्या साऱ्याच यंत्रणांनी घटनास्थळाकडे धाव घेतली. मात्र याठिकाणी रेल्वेकडून अतिशय गोपनियता ठेवत मॉकड्रील घेण्यात आल्याचे याठिकाणी पोहचल्यानंतर समजले. यानंतर यंत्रणेसह साऱ्यांनीच सुटकेचा श्वास सोडला.
