नंदुरबार l प्रतिनिधी
शिवसेना (उबाठा गट) जिल्ह्यात रविवार (दि.४) पासून भगवा सप्ताह साजरा करत आहे. या सप्ताहात विविध सामाजिक उपक्रम राबवून सदस्य नोंदणी वाढवण्यात येणार असल्याची माहिती जिल्हाप्रमुख अरुण चौधरी यांनी दिली.
जिल्हाध्यक्ष चौधरी म्हणाले की, शिवसेनेतर्फे ४ ते ११ ऑगस्टदरम्यान जिल्ह्यात भगवा सप्ताह साजरा करण्यात येऊन प्रत्येक मतदारसंघात सदस्य नोंदणी करण्यात येणार आहे. सामाजिक उपक्रमही राबवण्यात येणार आहे. सेनेतर्फे चारही विधानसभा मतदारसंघात पक्ष बांधणी व निवडणूक तयारी केली आहे.
जागा वाटपात जो मतदारसंघ वाट्याला येईल, तेथे सक्षम उमेदवार देऊन पक्ष लढणार आहे. अनेक इच्छुकांनी पक्षाकडे उमेदवारीसाठी इच्छा व्यक्त केल्याचेही ते म्हणाले. येत्या महिनाभरात पक्षप्रमुख उद्धव ठाकरे हे जिल्हा दौऱ्यावर येणार असून त्यासाठी तयारी सुरू आहे.