नंदुरबार l प्रतिनिधी
नवापूर शहरात जिल्हा परिषदेची शाळा बंद असल्याने 75 मिटरवर एका हॉटेल मध्ये परमिट रूम व बियरबार सुरू करण्यासाठी ना हरकत तसेच
आरटीई मान्यता वर्धित करून देण्याच्या बदल्यात बक्षीस म्हणून 50 हजाराची लाच घेताना नंदुरबारचे प्राथमिक शिक्षण अधिकारी सतिष सुरेश चौधरी यांना नाशिक येथील लाच लुचपत विभागाने रंगेहाथ अटक केल्याने एकच खळबळ उडाली आहे.
अधिक माहिती अशी की, तक्रारदार यांना नवापूर शहर, नगरपालिका, मालमत्ता क्र. ८२६, सीटी सर्वे क्र. ६२४, पंचरत्न शॉपिंग, काँप्लेक्स येथे हॉटेल नम्रता सुरु करावयाची असल्याने सदर परिसरात ७५ मीटर अंतरावर बंद पडलेली जिल्हा परिषद शाळा असल्याने उत्पादन शुल्क विभागाने परमिट रूम व बियर बार परवाना देण्यास हरकत घेतली परंतु सदर शाळा इमारत ही जीर्ण होऊन बंद असल्याने नंदुरबार प्राथमिक शिक्षण विभाग कडून ही शाळा बंद असल्या बाबत प्रमाणपत्र देण्यासाठी तसेच अशरफ भाई माजिदभाई लखानी अल्प संख्यांक विकास बहुउद्देशीय संस्था नवापूर, या संस्थेच्या अंतर्गत येणाऱ्या गुजराथी माद्यमिक विद्यालय नवापूर शाळेची आर टी ई मान्यता वर्धित करण्याचे काम करुन दिल्याचे कामाच्या बदल्यात बक्षीस म्हणून
जिल्हा प्राथमिक शिक्षणाधिकारी सतिष सुरेश चौधरी रा.शांतीनगर, वाघेश्वरी मंदिराजवळ, नंदुरबार, मु.रा. प्लॉट नंबर ८, गट नंबर ३५, मुक्ताईनगर, तालुका जिल्हा-जळगांव
यांनी ५० हजाराची मागणी करुन आज १५ मे २०२४ रोजी पंच साक्षीदार यांचे समक्ष जिल्हा परिषद कार्यालयातील दालनात ५० लाच घेताना नाशिक येथील लाचलुचपत विभागाने रंगेहाथ पकडले असून याप्रकरणी सतिष सुरेश चौधरी यांच्या विरुद्ध नंदुरबार शहर पोलीस येथे गुन्हा दाखल करण्यात येत आहे. सदरची कारवाईपोलीस निरीक्षक, ला.प्र.वि. नाशिक नितीन पाटील यांच्या मार्गदर्शनाखाली पोलीस नाईक चौधरी, पोलीस शिपाई अनिल गांगोडे, पो.ना. गणेश निंबाळकर यांच्या पथकाने केली.या कारवाई नंतर जिल्ह्यात एकच खळबळ उडाली आहे.
