नंदुरबार l प्रतिनिधी
नंदुरबार लोकसभेसाठी अवघ्या सहा दिवसावर निवडणूक आली आहे. दरम्यान सोशल मीडियावर विविध पक्षाच्या कार्यकर्त्या तर्फे आरोप प्रत्यारोप होताना दिसत आहे.लोकसभेची निवडणूक असली तरी चर्चा मात्र 35 वर्ष आमदार असलेल्या ॲड.के.सी.पाडवी यांच्या असली या गावातील रस्त्यांची चर्चा जोरात होत आहे.विविध नेते पक्षाचे कार्यकर्ते एकमेकांवर आरोप प्रत्यारोप करताना दिसत आहेत.
नंदुरबार लोकसभेसाठी 13 मे रोजी मतदान होणार आहे या निवडणुकीत काँग्रेस तर्फे माजी मंत्री तथा विद्यमान आमदार ॲड.के.सी.पाडवी यांचे सुपुत्र ॲड.गोवाल पाडवी हे महाआघाडीतर्फे उमेदवारी करीत आहेत.तर भाजपातर्फे आदिवासी विकास मंत्री डॉक्टर विजयकुमार गावित यांची कन्या खासदार डॉक्टर हिना गावित या महायुतीतर्फे उमेदवारी करीत आहेत.
दरम्यान गेल्या अनेक दिवसांपासून सोशल मीडियावर विविध पक्षांच्या प्रचाराचा धुराळा उठताना दिसत आहे.निवडणुकीला सहा दिवस बाकी असताना नेते मंडळी प्रचारात व्यस्त असून जास्तीत जास्त लोकांपर्यंत पोहचण्याचा प्रयत्न करीत आहेत.विविध पक्षांचे कार्यकर्ते सोशल मीडियावर विविध पोस्ट करीत आरोप प्रत्यारोप करताना दिसत आहे.
दरम्यान काल दि.5 मे रोजी आमदार ॲड.के.सी.पाडवी यांच्या बालेकील्यातील मोलगी येथे डॉ.हिना गावीत यांनी मोठे शक्ती प्रदर्शन करीत सातपुड्यातील आपली ताकत दाखवली.या सभेवेळी डॉ.हिना गावीत यांनी आमदार ॲड.के.सी.पाडवी यांच्या गावातील रस्त्यांचा विषय घेतल्याने हा विषय चांगलाच रंगला आहे.त्यातच भर म्हणून अपक्ष उमेदवार सुशीलकुमार पावरा यांनी प्रचार फेरी दरम्यान असली गावाला भेट देत. गावाला जायच्या रस्त्याचे फोटो सोशल मीडियात शेअर केल्याने या विषयाला अजूनच हवा मिळाले.
विकासाचा शिलेदार म्हणून ॲड.गोवाल पाडवी यांचा प्रचार करताना जिल्ह्यातील विकासासाठी मतदान करण्याचे आवाहन करण्यात येत आहे मात्र 35 वर्षे झाले आमदार असूनही गावाचा रस्ता झाला नसल्याने विकासाचा शिलेदार कसा असू शकतो 1 गावाच्या रस्ता तयार न करणारा लोकसभेतील 1100 च्या वर गावांचा विकास कसा करेल असाही सवाल सोशल मीडियात कार्यकर्त्यातर्फे विचारण्यात येत आहे.
दरम्यान याला प्रत्युत्तर म्हणून काँग्रेस तर्फे ही रस्त्याचा व्हिडिओ शेअर करा उत्तर दिले जात आहे. तर दुसऱ्या बाजूला महायुतीच्या उमेदवार डॉ.हीना गावित यांना दुसरे काहीही सांगायला नसल्याने केवळ रस्ताच्या विषयाला टार्गेट केले जात असल्याच्या प्रतिक्रिया देखील सोशल मीडियावर दिसून येत आहेत.
यामुळे विविध पक्षांच्या नेत्यांकडून एकमेकांवर आरोप प्रत्यारोप करण्यात येत असले तरी सोशल मीडिया मात्र समर्थकांच्या वार-पलटवारने चांगलाच तापला आहे.