नंदुरबार l प्रतिनिधी
नंदुरबार लोकसभा मतदार संघाच्या महायुतीच्या उमेदवार खासदार डॉ हिना गावित यांच्या प्रचारासाठी 10 मे 2024 रोजी सकाळी 11 वाजता नंदुरबार शहरात देशाचे पंतप्रधान नरेंद्र मोदी यांची प्रचार सभा आयोजित करण्यात आली आहे.
या प्रचार सभेचे ठिकाण नंदुरबार शहरालगत असलेल्या चौपाळे शिवारातील अहिंसा स्कूल समोरील मोकळ्या मैदानात ठेवण्यात आले आहे.
या मैदानाची 2 मे 2024 रोजी सायंकाळी सहा वाजेच्या सुमारास राज्याच्या आदिवासी विकास मंत्री डॉक्टर विजयकुमार गावित, जिल्हा परिषद अध्यक्षा डॉक्टर सुप्रिया गावित पोलीस अधीक्षक श्रवण दत्त एस, अप्पर पोलीस अधीक्षक निलेश तांबे, कार्यकारी अभियंता सार्वजनिक बांधकाम वैशाली पाटील,
उपविभागीय पोलीस अधिकारी संजय महाजन, पोलीस निरीक्षक किरणकुमार खेडकर, पोलीस निरीक्षक वासुदेव देसले, भाजपा जिल्हाध्यक्ष निलेश माळी, लोकसभा प्रमुख डॉक्टर तुषार रंधे, भाजपा तालुका अध्यक्ष जितेंद्र पाटील, वसंत पाटील, शांताराम पाटील, कमलेश पाटील, सागर तांबोळी आदि उपस्थित होते. यावेळी भाजपा पदाधिकारी व पोलीस प्रशासनाने जागेची पाहणी केली हेलिपॅड सह सभेचा डोम कुठे व कसा उभारावा यावर चर्चा करण्यात आली.