नंदुरबार l प्रतिनिधी
नंदुरबार येथील साक्री नाका परिसरा जवळ शबरी हट्टी (आदिवासी वस्तीत) येथे सामाजिक कार्यकर्ते किरण तडवी यांच्यातर्फे पिण्याच्या पाण्याच्या बोरवेल चा भूमिपूजन सोहळा पार पडला.
आदिवासी बांधवांना पिण्याच्या पाण्याची व्यवस्था नव्हती ही बाब तेथील रहिवासी व एकलव्य आदिवासी क्रांती दल यांच्यामार्फत सामाजिक कार्यकर्ते किरण तडवी यांच्या पर्यंत पोहोचवण्यात आली. आपण देखील समाजाचे देणे लागतो याच भावनेतून सामाजिक कार्यकर्ते किरण तडवी यांनी स्वखर्चाने आदिवासी वस्तीत बोअरवेल करून दिला.
सामाजिक कार्यकर्ते किरण तडवी यांच्या जवळ बघतो करतो होऊन जाईल हे शब्द नाहीत. त्यांनी आश्वासन दिले म्हणजे ते पूर्णत्वास नेतातच. याचे उत्तम उदाहरण म्हणजे हा कार्यक्रम. शबरी हट्टी येथील सर्व आदिवासी बांधवांतर्फे सामाजिक कार्यकर्ते किरण तडवी यांचे आभार मानण्यात आले.
यावेळी सामाजिक कार्यकर्ते किरण तडवी रावसाहेब, युवानेते मा.नगरसेवक किरण रघुवंशी, मा. नगरसेवक लकी रघुवंशी, मा. उपनराध्यक्ष रविंद्र पवार, गजानन पाटील, पंकज चौधरी,प्रफुल्ल खैरनार, प्रकाश गावित व सर्व मित्र परिवार परिसरातील नागरिक उपसथित होते.
