नंदुरबार l प्रतिनिधी
येथील बाहेर पुरा परिसरातील संत रोहिदास चौकात संत रोहिदास जयंती निमित्त प्रतिमा पूजन, महाप्रसाद वाटप व शहरातील प्रमुख मार्गावरून संत रोहिदास महाराजांच्या प्रतिमेची शोभायात्रा काढण्यात आली.
येथील बाहेरपुरा परिसरातील चर्मकार समाजातर्फे संत रोहिदास जयंतीनिमित्त विविध कार्यक्रम घेण्यात आले. माजी आमदार चंद्रकांत रघुवंशी यांच्या हस्ते संत रोहिदास महाराज यांच्या प्रतिमेची पूजन करण्यात आले. यावेळी उद्योगपती मनोज रघुवंशी, माजी नगरसेवक किरण रघुवंशी, माजी नगरसेवक प्रमोद शेवाळे, भाजपाचे जिल्हाध्यक्ष निलेश माळी, उभाठा शिवसेनेचे महानगरप्रमुख पंडित माळी,
मुख्याध्यापिका सुलभा महिरे, माजी नगराध्यक्ष रवींद्र पवार, पत्रकार हिरालाल चौधरी, वंचित बहुजन आघाडीचे अरुण रामराजे, आरपीआयचे आप्पा वाघ, संजय सोनवणे, आकाश पाने, समिधा नटावकर, माजी नगरसेवक चेतन वळवी, भरत शिंदे, कृषी अधिकारी श्री सूर्यवंशी, स्वरूप बोरसे, सुनील साळवे, दगड अजिंठे, वसंत परमल, अभियंता श्री.सोनवणे, रमेश मलखडे, बापू ठाकरे, इम्तियाज कुरेशी, सुरेखा वाघ आदी उपस्थित होते.
यानंतर दुपारी महाप्रसाद वाटप करण्यात आला. त्यानंतर संत रविदास महाराज यांच्या प्रतिमेची सजविलेल्या रथातून शहरातील प्रमुख मार्गावरून शोभायात्रा काढण्यात आली. कार्यक्रम यशस्वीतेसाठी चर्मकार समाजाचे अध्यक्ष संतोष अहिरे , खजिनदार छोटू पवार, प्रमोद अहिरे, प्रवीण अहिरे, सुरेश अहिरे, हरीश अहिरे,, मोहन अहिरे,, राकेश कढरे, हंसराज अहिरे, विजय अहिरे, प्रकाश अहिरे, किरण अहिरे, भगवान अहिरे, लखन अहिरे, नंदखलाल अहिरे आदींनी परिश्रम घेतले.