नंदुरबार l प्रतिनिधी
कोंडाईबारी घाटात आज दुपारी 1 वाजे दरम्यान नवापुर पुणे बसने ट्रकला मागून धडक दिल्याने.भिषण अपघात झाल्याची घटना घडली. या अपघातात 22 प्रवासी जबर जखमी झाले आहेत.
मिळालेल्या प्राथमिक माहिती नुसार, धुळे सुरत राष्ट्रीय महामार्गावर दुपारी एक वाजेच्या दरम्यान नवापुर आगारा ची नवापूर पुणे बस ( क्र.एम.एच.20 .बी.एल. 3201) हि नवापुर ,विसरवाडी, चिंचपाडा येथील प्रवासी घेवुन जात असताना कोंडाईबारी घाटात मंदिरा समोर उभी असलेल्या मालट्रक ला बस चालकाने माघुन धडक दिल्याने अपघात झाला या बस मधील 20 ते 22 प्रवासी जबर जखमी झाले आहे.काही प्रवासी ना दहिवेल,साक्री,विसरवाडी ग्रामीण रुग्णालयात उपचारासाठी दाखल करण्यात आले आहे.
घटनास्थळी कोंडाईबारी महामार्ग सुरक्षा पोलीस ,विसरवाडी पोलीस ठाण्याचे सहाय्यक पोलीस निरीक्षक प्रकाश झोडगे यांनी परिस्थिती कडे बघता ताबडतोब महामार्गावर ठप्प झालेली वाहतूक सुरळीत केली.. बस चालक मोबाईल बोलत असतांना समोर दुर्लक्ष झाल्याने हा अपघात झाल्याची माहिती जखमी झालेल्या प्रवासी नी दिली आहे.
