नंदुरबार l प्रतिनिधी-
जिल्ह्यातील मराठा समाजाचे सामाजिक व शैक्षणिक मागसलेपण तपासणीसाठी नंदुरबार शहर व तालुक्यात सर्वेक्षण करण्यात येत असल्याची माहिती तहसिलदार तथा कार्यकारी दंडाधिकारी नितीन गर्जे यांनी एका शासकीय प्रसिद्धी पत्रकान्वये कळविली आहे.
राज्य मागासवर्ग आयोगाने सर्वेक्षणासाठी निकष निश्चित केले असून त्याबाबत प्रश्नावली अंतिम केली आहे. या प्रश्नावलीच्या अनुषंगाने नंदुरबार शहर व तालुक्यातील सर्वेक्षणासाठी पर्यवेक्षक व प्रगणक नेमण्यात आले असून हे 23 जानेवारी ते 31 जानेवारी 2024 पर्यंत प्रत्येक प्रभागात, गावात, वाड्यात, ग्रामपंचायतीत येवून सर्वेक्षणाच्या अनुषंगाने तयार केलेल्या प्रश्नावलीनुसार प्रश्नांची विचारणा करुन सर्वे करणार आहेत.
यासाठी नंदुरबार शहर व तालुक्यातील नागरिकांनी सहकार्य करावे व प्रश्नावलीच्या अनुषंगाने उत्तरे द्यावीत जेणेकरुन सवेक्षण अचुक व परिपूर्ण करता येईल, असेही तहसिलदार श्री. गर्जे यांनी शासकीय प्रसिद्धी पत्रकानुसार कळविले आहे.
