नंदुरबार l प्रतिनिधी-
शहरातील नेहरू पुतळा परिसरातील रघुवंशी परिवाराच्या श्रीराम मंदिरात उद्योगपती मनोज रघुवंशी यांच्या हस्ते महाप्रसादाचे वाटप करण्यात आले.
मंदिर निर्माण प्राणप्रतिष्ठ सोहळ्यानिमित्त शहरातील ठिकाणी महाप्रसाद व भंडाऱ्याचे आयोजन करण्यात आले होते. दुपारी १२ वाजता नेहरू पुतळा परिसरातील श्रीराम मंदिरात उद्योगपती मनोज रघुवंशी व इंदिरा महिला सहकारी बँकेच्या चेअरमन सौ.कविता रघुवंशी यांच्या हस्ते आरती करण्यात आली. यावेळी माजी नगरसेवक यशवर्धन रघुवंशी, सौ.कल्याणी रघुवंशी यांच्यासह रामभक्त मोठ्या संख्येने उपस्थित होते.
