शहादा l प्रतिनिधी
अयोध्या येथील श्री प्रभू रामचंद्रांच्या प्राणप्रतिष्ठापनेचे औचित्य साधत येथील प्रा.मकरंद पाटीलसाहेब युवा मंचच्या वतीने शहादा शहरातील विविध भागात मिठाई (लाडू) चे वाटप करण्यात आले.
याबाबत अधिक वृत्त असे, सोमवारी अयोध्या येथे श्रीराम मंदिरात प्रभू श्रीरामांच्या मूर्तीचा प्राणप्रतिष्ठापना सोहळा संपन्न झाला. त्यानिमित्त संपूर्ण देशभरात दीपावली सारखे वातावरण निर्माण झाले असून शहरातील विविध सामाजिक संघटनांच्या वतीने शोभायात्रेसह विविध कार्यक्रमांचे आयोजन करण्यात आले होते.
येथील प्रा.मकरंद पाटीलसाहेब युवा मंचच्या वतीने प्राणप्रतिष्ठा सोहळ्याचे औचित्य साधून शहादा शहरातील विविध भागात मिठाई (लाडू) बॉक्सचे वाटप घरोघरी करण्यात आले. प्राणप्रतिष्ठापना सोहळा आनंदात युवा मंचचे सर्व सदस्य सहभागी झाले होते. मिठाई वाटप कार्यक्रमाचा शुभारंभ भारतीय जनता पक्षाचे जिल्हा उपाध्यक्ष तथा शहादा तालुका खरेदी विक्री संघाचे चेअरमन प्रा. मकरंद पाटील यांच्या हस्ते करण्यात आला.
यावेळी भारतीय जनता पक्षाचे पदाधिकारी व कार्यकर्त्यांची उपस्थिती होती.या उपक्रमाचे आ.राजेश पाडवी,पूज्य साने गुरूजी विद्या प्रसारक मंडळाचे अध्यक्ष दीपक पाटील, कृषी उत्पन्न बाजार समितीचे माजी सभापती सुनील पाटील आदिंनी स्वागत केले.उपक्रमाला शहरवासीयांकडून जोरदार प्रतिसाद मिळाला.कार्यक्रम यशस्वीतेसाठी मंचाचे सर्व सदस्यांनी सहकार्य केले.