नंदुरबार l प्रतिनिधी
डॉ. हेडगेवार सेवा समिती, कृषि विज्ञान केंद्रात सुरु असलेल् या १७ व् या कृषि तंत्रज्ञान महोत् सवात दि. २३ डिसेंबर २०२३, शनिवार रोजी कृषि उद्योग परिषदेव्दारे तंत्रज्ञान महोत्सवाचा समारोप करण्यात आला.
कृषि उद्योग परिषदेत अध्यक्ष स्थानी डॉ. नितीन पंचभाई, सचिव, डॉ. हेडगेवार सेवा समिती, विशेष अतिथी म्हणून कृष्णदास पाटील, अध्यक्ष, डॉ. हेडगेवार सेवा समिती, पाटीलभाऊ माळी, धनराज कातोरे, विश्वस्त, डॉ. हेडगेवार सेवा समिती, तांत्रिक मार्गदर्शक ज्ञानेश्वर साळुंखे, धृव केमिकल्स, धुळे, पी. एल. पाटील, प्राचार्य, कृषि महाविद्यालय, शहादा, आदी उपस्थित होते.
प्रास्ताविकात राजेंद्र दहातोंडे, वरिष्ठ शास्त्रज्ञ व प्रमुख, कृषि विज्ञान केंद्र, नंदुरबार यांनी तंत्रज्ञान महोत्सवात आयोजित केलेल्या कार्यक्रमांची माहिती उपस्थिताना दिली. यावेळी कृष्णदास पाटील यांनी कृषि शिक्षण ही काळाची गरज असल्याचे प्रतिपादन केले. कार्यक्रमाचे अध्यक्ष नितीन पंचभाई यांनी शेतीत यशस्वी होण्यासाठी कृषि शिक्षण, कृषि व्यवसाय व पशुधन हे महत्वपूर्ण घटक असल्याचे सांगितले. कृषि उद्योग परिषदेत ज्ञानेश्वर साळुंखे, धृव केमिकल्स, धुळे यांनी स्वतः व्यवसाय भरण्यासाठी आलेल्या अडचणी त्यावर केलेली मात आणि आज धृव केमिकल्सचा व्यवसाय कशा पद्धतीने चालत आहे हा प्रेरणादायी प्रवास उपस्थितानासमोर कथन केला.
यावेळी त्यांनी २०१३ मध्ये गायीच्या गोठ्यात सुरु केलेली कंपनी आज तीन एकरवर उभी असून कृषि व्यवसाय करण्यासाठी आज मोठ्या प्रमाणावर वाव असल्याचे त्यांनी सांगितले. पी. एल. पाटील, प्राचार्य, कृषि महाविद्यालय, शहादा यांनी कृषि शिक्षण घेऊन व्यवसायाच्या कोण-कोणत्या संधी आहे याविषयी मार्गदर्शन केले.
कृषि उद्योग परिषदेसाठी मुक्त विद्यापीठाचे विद्यार्थी व शहादा येथील कृषि महाविद्यालयाचे विद्यार्थी मोठ्या संख्येने उपस्थित होते. कार्यक्रमाचे सूत्र संचालन पद्माकर कुंदे, केंद्र संयोजक, मुक्त शिक्षण केंद्र, कोळदा, नंदुरबार यांनी केले. विजय बागल, कार्यक्रम सहायक, कृषि विज्ञान केंद्र यांनी आभार प्रदर्शन केले.
