नंदुरबार l प्रतिनिधी
सारंगखेडा येथील यात्रेनिमित्त दारू वाहतुकीचा व्यवसाय करावयाची परवानगीसाठी 21 हजाराची लाच मागून 10 हजाराची लाच स्वीकारताना सारंगखेडा पोलीस ठाण्याचे पोलीस निरीक्षक व पोलीस शिपायास नाशिक येथील अँन्टी करप्शन ब्युरो च्या पथकाने रंगेहाथ पकडले आहे.
अधिक माहिती अशी की,यातील तक्रारदार यांना सारंगखेडा येथील यात्रेनिमित्त दारू वाहतुकीचा व्यवसाय करावयाचा असल्याने संदिप उत्तमराव पाटील, वय 44 वर्ष, व्यवसाय – नोकरी, पोलीस निरीक्षक, सारंगखेडा पोलीस स्टेशन, जि.नंदूरबार यांनी 21 हजाराची मागणी केली.तडजोडीअंती 10 हजराची मागणी केली. सदर लाचेची रक्कम स्वीकारताना गणेश भामट्या गावीत, वय -38 वर्ष, व्यवसाय – नौकरी चालक पोलीस शिपाई, सारंगखेडा पोलीस स्टेशन, जि. नंदुरबार याला नाशिक येथील अँन्टी करप्शन ब्युरो च्या पथकाने रंगेहाथ पकडले.
सदरची कारवाई श्रीमती शर्मिष्ठा घारगे-वालावलकर पोलीस अधीक्षक , ला.प्र.वि, नाशिक परिक्षेत्र, नाशिक.माधव रेड्डी अप्पर पोलिस अधिक्षक, नरेंद्र पवार. वाचक, पोलीस उप अधीक्षक यांच्या मार्गदर्शनाखाली पोलिस निरीक्षक परशुराम ह. कांबळे, पो.हवा. सचिन गोसावी, पो.हवा. प्रफुल्ल माळी यांच्या पथकाने केली आहे.
