नंदुरबार l प्रतिनिधी
गुजरात राज्य परिवहन च्या बसच्या धडकेत मोटरसायकलवरील महिलेचा मृत्यू झाला असून मयतेचा पती जखमी झाल्याची घटना तळोदा येथे घडली.
या बाबत सविस्तर वृत्त असे की तळोदा येथील शनी गल्लीत राहणार अभिजित किसनसा कलाल व सौ. अवंतीका अभिजित कलाल हे त्यांच्या मोटर सायकल ने नंदुरबार येथे दवाखान्याच्या कामासाठी जात असतांना त्यांच्या मिशन स्कुल मध्ये शिकणाऱ्या मुलाला भेटून बायपास मार्गे जात असतांना बऱ्हाणपूर अंकलेश्वर महामार्गावरील पेट्रोल पंपासमोर त्यांच्या मोटरसायकलला मागून येणाऱ्या गुजरात राज्य परिवहन अंकलेश्वर डेपोच्या बस ( क्र. जी जे 18झेड8409) ने मागून धडक दिल्याने
मोटरसायकल वरील सौ.अवंतिका कलाल व अभिजित कलाल गंभीर जखमी झाले त्यात सौ. अवंतिका कलाल ह्या मोटर सायकल वरून दूर फेकल्या गेल्याने त्यांच्या डोक्याला जबर दुखापत झाली त्याचवेळी आजूबाजूचे लोक व इतर वाहनचालकानी त्यांना रुग्णालयात नेले मात्र दवाखान्यात नेत असतांना 38 वर्षीय अवंतिका कलाल यांचा रस्त्यातच दुर्दैवी मृत्यू झाला. अभिजित कलाल यांच्यावर पुढील उपचार सुरू असून त्यांची प्रकृती धोक्याबाहेर असल्याचे सांगितले जात आहे. सौ अवंतिका कलाल यांच्या अकस्मात अपघाती मृत्यूने शहरात हळहळ व्यक्त होत आहे.याप्रकरणी अद्याप गुन्हा दाखल करण्याची प्रक्रिया सुरू होती.
