नंदुरबार l प्रतिनिधी
सनातन धर्माच्या विरोधात आक्षेपार्ह वक्तव्ये करून करोडो सनातन हिंदू धर्मियांच्या धार्मिक भावना दुखावल्या संदर्भात तामिळनाडूचे मंत्री उदयनीधी स्टालिन, कर्नाटकचे मंत्री प्रियांका खर्गे, ए. राजा यांच्यासह महाराष्ट्रातील माजी मंत्री जितेंद्र आव्हाड आणि साम्यवादी पत्रकार निखिल वागळे यांच्याविरोधात गुन्हे दाखल करण्याची मागणी करणारी तक्रार नंदुरबार येथे पोलीस स्थानकात पोलीस निरीक्षक निवृत्ती पवार यांच्याकडे धर्मप्रेमी नागरिकांनी केली.
मागील सप्ताहात ‘मी सनातन धर्मरक्षक’ अभियान अंतर्गत नंदुरबार येथे येथे झालेल्या कार्यक्रमात याविषयी जागृती करण्यात आली होती.
सनातन धर्माच्या विरोधात आक्षेपार्ह वक्तव्ये करून करोडो सनातन हिंदू धर्मियांच्या धार्मिक भावना दुखावल्या संदर्भात तामिळनाडूचे मंत्री उदयनीधी स्टालिन, कर्नाटकचे मंत्री प्रियांका खर्गे, ए. राजा यांच्यासह महाराष्ट्रातील माजी मंत्री जितेंद्र आव्हाड आणि साम्यवादी पत्रकार निखिल वागळे यांनी
सनातन धर्माच्या विरोधात केलेली वक्तव्ये हि केवळ हिंदूंच्या धार्मिक भावना दुखावणारी आहेत. २८ एप्रिल २०२३ ला भारताच्या सर्वोच्च न्यायालयाने ‘हेट स्पीच’ संदर्भात जी नियमावली घालून दिली आहे त्यातदेखील बसणारी आहेत, त्यामुळे त्या नियमावलीनुसार पोलीस प्रशासनाने स्वतःहून यात दखल घेऊन गुन्हा दाखल करून घ्यावा अशी मागणी या तक्रारीच्या माध्यमातून करण्यात आलेली आहे.
या वेळी तक्रार दाखल करताना हिंदू जनजागृती समितीचे सतीश बागुल, विश्व हिंदू परिषद चे अजय कासार, मयूर चौधरी, आकाश गावित, हर्षल देसाई, चंद्रकांत भोई, जितेंद्र मराठे, निलेश पाटील, ॲड.सुमित परदेशी उपस्थित होते.
