नंदुरबार l प्रतिनिधी
महाराष्ट्र ॲमेच्युअर नेटबॉल असोसिएशन यांच्या मान्यतेने नेटबॉल खेलकुद युवा असोसिएशन नंदुरबार यांच्या वतीने दि. ६ ते ८ऑक्टोबर २०२३ दरम्यान नंदुरबारात १६ वी महाराष्ट्र राज्य सब ज्युनिअर मुले-मुली राज्य अजिंक्यपद स्पर्धेचे जिल्हा क्रीडा संकुल नंदुरबार येथे आयोजन करण्यात आले होते, सदर स्पर्धेत महाराष्ट्रातून ४२ संघांनी सहभाग नोंदविला त्यात २११ संघ मुलांचे व २१ संघ मुलींचे आहेत. यात राज्यातून सुमारे ५०० खेळाडूंचा समावेश होता.
या स्पर्धेत सब ज्युनिअर मुले गटात प्रथम – धुळे, द्वितीय- भंडारा , तृतीय -छत्रपती संभाजी नगर, तृतीय- लातूर तसेच मुली गटात प्रथम – धुळे, द्वितीय -परभणी, तृतीय -छत्रपती संभाजी नगर तृतीय – पुणे हे संघ विजयी झाले.
बक्षीस वितरण कार्यक्रम प्रसंगी प्रमुख पाहुणे म्हणून संघटनेचे अध्यक्ष राजेश रघुवंशी, उपाध्यक्ष प्रा.डॉ.ईश्वर धामणे, राज्यसंघटनेचे सहसचिव श्याम देशमुख, सतिष इंगळे, सुभाष सावळे, जळखे आश्रम शाळेचे मुख्याध्यापक प्रवीण कुमार सोनावणे, अभिनव विद्यालयाचे मुख्याध्यापक तारकेश्वर पटेल, मोहनलाल वाडिले, जिल्हा संघटनेचे. राजेंद्र भोई, योगेश निकुंभ, दीपेश धामणे,सागर धामणे, धनराज अहिरे, शोभराज खोंडे, आदी उपस्थित होते.
कार्यक्रमांचे सूत्रसंचालन शिव छत्रपती राज्य क्रीडा पुरस्कारार्थी व संघटनेचे कार्याध्यक्ष बळवंत निकुंभ यांनी केले, व स्पर्धा यशस्वीतेसाठी, भूषण कुलथे, श्रीकांत चव्हाण, भूषण कुलथे, कुणाल चौधरी, सचिन गोंधळी, चंद्रकांत पाटील,दीपेश गायकवाड, गणेश गवळी आदींची उपस्थिती होती.
