नंदूरबार l प्रतिनिधी
का. वि. प्र. संस्था भालेर संचलित,श्रीमती क.पु. पाटील माध्यमिक व उच्च माध्यमिक विद्यालय भालेर संस्थेचे संस्थापक अध्यक्ष भास्करराव हिरामण पाटील यांचा ७५ वा अमृत महोत्सवी वाढदिवस आनंदमयी वातावरणात मोठ्या उत्साहात साजरा करण्यात आला.
संस्थेचे कार्याध्यक्ष विजय भास्कर पाटील,उपाध्यक्ष चंद्रशेखर पाटील सचिव भिका पाटील भालेर ग्रामपंचायतीच्या माजी सरपंच बेबीताई भास्कर पाटील, एक्सलन्ससीया डिजिटल लिमिटेड कंपनीच्या मॅनेजिंग डायरेक्टर प्राजक्ता बोरसे , आर्यन बोरसे, मानस पाटील,भालेर गावाचे माजी सरपंच ग्रामपंचायतीचे सदस्य, काकर्दे रेखाबाई माळी, नवनिर्माण सेनेचे तालुका अध्यक्ष राकेश माळी, भालेर येथील सरपंच, भालेर,नगाव,तिशी वडवद,अक्राळे,खोकराळे आदी पंचक्रोशीतील विविध क्षेत्रातील मान्यवर, प्राचार्या विद्या चव्हाण, मुख्याध्यापक एस.जी. सैंदाणे पर्यवेक्षक अनिल कुवर ,भालेर, खोकराळे येथील विद्यालयाचे सर्व शिक्षक, शिक्षिका, प्राध्यापक, प्राध्यापिका शिक्षिकेतर कर्मचारी वर्ग व विद्यार्थी, विद्यार्थ्यांनी भास्करराव पाटील यांना वाढदिवसाच्या शुभेच्छा देण्यासाठी उपस्थित होते.
वाढदिवसानिमित्त विद्यालयात मेहंदी स्पर्धा, चित्रकला स्पर्धा,रांगोळी स्पर्धा, वकृत्व स्पर्धा घेण्यात आल्यात विद्यार्थ्यांच्या कलागुणांना चालना मिळणारे कार्यक्रम घेण्यात आलेत.
७५ वा अमृत महोत्सवी वाढदिवसानिमित्त आलेल्या सर्व मान्यवरांचे प्रथमतः शब्द सुमनांनी टाळ्यांच्या गजरात ईशस्तवन स्वागत गीत गायनाने विद्यार्थ्यांनी स्वागत केले. ७५ वाढदिवसानिमित्त ७५ दिवे पेटवून समईच्या सात ज्योती पेटवून चांदीच्या ताटातील चांदीच्या निरंजन ज्योत पेटूवुन केक कापून भास्करराव पाटील यांच्या सहचारीनी सौ.बेबीताई पाटील यांनी औक्षण करून भेटवस्तू देऊन शुभेच्छा दिल्या. वाढदिवसाच्या सुमधुर व संगीतमय गीत गायन करण्यात आले. संस्थेचे सचिव भिका पाटील ,कार्याध्यक्ष विजय बोरसे, प्राचार्य तथा मुख्याध्यापिका सौ. विद्या चव्हाण, मुख्याध्यापक एस.जी.सैंदाणे माजी पर्यवेक्षक पी. पी.बागुल ,
पर्यवेक्षक अनिल कुवर, प्राध्यापक पी.एस.सूर्यवंशी यांनी शुभेच्छा पर मनोगत व्यक्त केले. विद्यालयातील सर्व विद्यार्थ्यांनी, मागासवर्गीय कन्या छात्रालयाच्या व्यवस्थापिका सौ. संगीता पाटील सर्व कर्मचारी वर्ग छात्रालयाच्या विद्यार्थिनी भास्करराव पाटील यांना वाढदिवसानिमित्त शुभेच्छा दिल्या. कार्यक्रम आनंदात साजरा करण्यात आला. कार्याध्यक्ष विजय बोरसे यांच्याकडून विद्यार्थ्यांना मोतीचूरचे लाडू देण्यात आले. तसेच विद्यार्थ्यांना मसाले भात , जलेबी वाढदिवसानिमित्ताने मिष्टान्न भोजन देण्यात आले. भालेर, खोकराळे विद्यालयातील प्राध्यापक, प्राध्यापिका, शिक्षक, शिक्षिका, शिक्षकेतर कर्मचारी यांनी कार्यक्रम यशस्वीतेसाठी परिश्रम घेतले.
