नंदुरबार l प्रतिनिधी
व्यसनमुक्ती पासून हजारो नागरिकांना व्यसनमुक्त करणारे गुलामबाबा महाराज यांची व्यसन मुक्ती रॅली गुलाम बाबा मित्रपरिवाराच्या वतीने काढण्यात आली या रॅलीला शेकडो वर्षाची परंपरा असून आजही ही परंपरा कायम आहे.
साक्री तालुक्यातील आष्टाने या गावापासून या रॅलीला सुरुवात होते व चोपाळे नंदुरबार , चाररास्ता ,तळोदा मार्ग रंजनपूर येथे रॅलीची सांगता होते. दर वर्षाच्या श्रावण महिन्याच्या शेवटच्या सोमवारी गुलाम बाबा महाराज यांची व्यसनमुक्ती जनजागृती रॅली निघत असते. या रॅलीत जिल्हाभरातील हजारो भाविक सहभागी होत असतात. गुलामबाबा महाराज यांनी व्यसनमुक्ती जनजागृती साठी या रॅलीची सुरुवात केली होती पहिले रंजनपुर येथे व्यसन मुक्ती साठी पायी येत होते. आजही रॅलीच्या माध्यमातून हजारो लोकं रंजनपुर येथे जाऊन व्यसनमुक्तीची शपथ घेतात. गुलाम बाबा महाराज यांनी गावातील तसेच परिसरातील लोकांचे समाज प्रबोधन करून अनेक नागरिकांना व्यसनापासून मुक्त केले आहे.
त्यांचीही परंपरा आजही कायम असून रंजनपुर येथे नागरिक येऊन व्यसनमुक्तीची शपथ घेतात. राज्याचे आदिवासी विकास मंत्री व जिल्ह्याचे पालकमंत्री डॉ. विजयकुमार गावित व भाजपाचे नेते कांतीलाल टाटिया यांनीही या रॅली सहभागी गुलाम बाबा महाराज यांच्या प्रतिमेला अभिवादन करून दर्शन घेतले. दरवर्षीप्रमाणे या वर्षी ही रॅली काढण्यात आली असून गुलाम बाबा महाराज यांचे वंशज व जिल्हा परिषद सदस्य जितेंद्र पाडवी यांच्या नेतृत्वाखाली ही रॅली काढण्यात आली. यावेळी जिल्हा परिषद सदस्य पार्वती गावित, प्रेमराज पाडवी, संजय ठाकरे ,नंदू माळचे, विजय ठाकरे, विलास वळवी, कालूसिंग ठाकरे, यांच्यासह गुलामबाबा यांना मानणारा भक्तगण वर्ग मोठ्या संख्येने उपस्थित होता.