नंदूरबार l प्रतिनिधी
ना.डॉ.विजयकुमार गावित साहेब वाढदिवस आयोजन समितीच्या वतीने राज्याचे आदिवासी विकास मंत्री तथा नंदुरबार जिल्ह्याचे पालकमंत्री ना.डॉ.विजयकुमार गावित यांच्या वाढदिवसानिमित्त दि.14 ऑगस्ट 2023 रोजी नंदुरबार-धुळे जिल्हा मर्यादित भव्य मॅरेथॉन स्पर्धेचे आयोजन करण्यात आले आहे. ही स्पर्धा चार गटात होणार असून अनुक्रमे यश मिळविणार्या विजेत्या स्पर्धकांना पारितोषिक देवुन गौरविण्यात येणार आहे.
नंदुरबार जिल्हा निर्मितीचे शिल्पकार, राज्याचे आदिवासी विकास मंत्री तथा नंदुरबार जिल्ह्याचे पालकमंत्री ना.डॉ.विजयकुमार गावित यांचा दि.15 ऑगस्ट 2023 रोजी साजरा होणार्या वाढदिवसानिमित्त दि.14 ऑगस्ट 2023 रोजी भव्य मॅरेथॉन स्पर्धेचे आयोजन केले आहे. ना.डॉ.विजयकुमार गावित साहेब वाढदिवस आयोजन समितीच्या वतीने दि.14 ऑगस्ट रोजी सकाळी सकाळी 7 वाजता नंदुरबार व धुळे जिल्हा मर्यादित भव्य मॅरेथॉन स्पर्धेला ना.डॉ.विजयकुमार गावित यांच्या विरल विहार निवासस्थानापासून सुरुवात होणार आहे.
या स्पर्धेत मुले/मुली 8 वी ते 10 वीसाठी 5 कि. मी. पुरूष, अकरावी ते सिनीयर कॉलेज यासाठी 10 कि. मी. अंतर व महिला गट 11 वी ते सिनीयर कॉलेज 6 कि.मी. इतके अंतर आहे. निवासस्थानापासून यशवंत विद्यालय, जी.टी.पी. कॉलेज रोड, अंधारे चौक, महाराणा प्रताप चौक, बस स्टँड, नेहरू पुतळा, गांधी पुतळा, उड्डानपुल, गिरीवीहार गेट, स्वागत पेट्रोल पंप, करण चौफुली परत त्याचमार्गे ना.डॉ.विजयकुमार गावीत यांच्या निवासस्थानापर्यंत येवून मॅरेथॉन स्पर्धेची सांगता होईल. या स्पर्धेत 11 वी ते सिनीयर कॉलेज पुरूषसाठी अंतर 10 कि.मी. व पारितोषीक प्रथम पाच हजार रुपये, द्वितीय पारितोषिक तीन हजार रुपये तर तृतीय पारितोषिक दोन हजार रुपये असे आहे. 11 वी ते सिनीयर कॉलेज महिलासांठी 6 कि.मी. अंतर व पारितोषीक प्रथम पाच हजार रुपये, द्वितीय तीन हजार रुपये व तृतीय दोन हजार रुपये असे असेल. 8 वी ते 10 वी मुलेसाठी 5 कि.मी.अंतर व पारितोषिक प्रथम पाच हजार रुपये, द्वितीय तीन हजार रुपये तर तृतीय तीन हजार रुपये असे पारितोषिक राहील.
8 वी ते 10 वी मुलींसाठी 5 कि.मी अंतर व पारितोषिक प्रथम पाच हजार रुपये, द्वितीय तीन हजार रुपये, तृतीय दोन हजार रुपये असे पारितोषिक असणार आहे. ज्या खेळाडूंना वरिल मॅरेथॉन स्पर्धेत भाग घ्यावयाचा असेल. स्पर्धेत भाग घेणारा खेळाडू नंदुरबार व धुळे जिल्ह्यातील रहिवासी असावा. रहिवासी असल्याचा पुरावा म्हणुन आधारकार्ड आवश्यक आहे. खेळाडूंचे प्रवेश अर्ज दि.14/ऑगस्टपर्यंत मिनल वळवी (9822490693), सॅबस्टीन जयकर (9075360991), राजेश शहा (9423191312), निलेश गावीत (9764032903), जितेंद्र पगारे (9860545847), रविंद्र सोनवणे (9420085225), दिनेश सुर्यवंशी (9960245432), चेतना चौधरी (9420166918), धनराज अहिरे (8888440729), कबाडे (7745042326) या शिक्षकांकडे जमा करावेत.
स्पर्धा पुर्ण झाल्यावर एक तासानंतर सर्व गटातील विजयी तीन स्पर्धकांना रोख पारितोषिक व सन्मान प्रमाणपत्र मान्यवरांच्या हस्ते प्रदान करण्यात येईल. सर्व सहभागी खेळाडूंना सहभाग प्रमाणपत्र प्रदान करण्यात येईल. विजयी झालेला खेळाडू जर नियम व अटींना पात्र ठरला नाही तर त्यास पारितोषिक दिले जाणार नाही. स्पर्धा पुर्ण करतांना काही तांत्रिक बाबी व अधिकार आयोजन समितीकडे राखून ठेवण्यात आलेले आहे. या मॅरेथॉन स्पर्धेत खेळाडूंनी सहभागी व्हावे, असे आवाहन ना.डॉ.विजयकुमार गावीत साहेब वाढदिवस आयोजन समितीने केले आहे.
