नंदूरबार l प्रतिनिधी
ऊसतोडीसाठी उसनवार दिलेले 3 हजार रुपये परत न केल्याने मजुराला विहिरीत फेकून खून केल्याची घटना नंदूरबार तालुक्यातील तलवाडे येथे घडली आहे.याप्रकरणी नंदूरबार तालुका पोलीस ठाण्यात दोघांविरुद्ध गुन्हा दाखल करण्यात आला आहे.
याबाबत पोलीस सूत्रांनी दिलेल्या माहितीनुसार नंदूरबार तालुक्यातील वासदरे येथे राहणाऱ्या वसंत बुधा ठाकरे याने ऊसतोडीसाठी ऊसतोड मुकडदम किसन ठाकरे यांच्या कडून पैसे घेतले होते.मात्र त्यातील 3 हजार रुपये त्यांनी परत केले नाहीत याचा राग येऊन किसन ठाकरे व पांडू भील यांनी संगनमत करून 27 जुलै रोजी रात्री 9 वाजेच्या सुमारास वसंत ठाकरे यांना विहिरीत ढकलले.यात वसंत बुधा ठाकरे (४० ) रा. कोळदा, ता.नंदूरबार, ह.मु. वासदरे ता.नंदूरबार यांचा मृत्यू झाला.
याप्रकरणी तेजाबाई वसंत ठाकरे यांच्या फिर्यादीवरून नंदूरबार तालुका पोलीस ठाण्यात किसन सुदाम ठाकरे रा.विजयनगर, पोस्ट.शनिमांडळ ता.नंदूरबार, पांडू भील रा. नवागाव पोस्ट.शनिमांडळ ता.नंदूरबार यांच्या विरुद्ध भादवी कलम 302, 34 प्रमाणे गुन्हा दाखल करण्यात आला आहे.याप्रकरणी पुढील तपास सपोनी अविनाश केदार करीत आहेत.
