म्हसावद l प्रतिनिधी
शहादा तालुक्यातील म्हसावद येथील चिखली फाटा चौफुलीपासून म्हसावद पोलीसांनी पाठलाग करून आमोदा रस्त्यावर 67 हजाराचे दारू बनवण्याचे स्पिरिट गाडीसह पकडण्यात आले असून एक आरोपीस अटक करण्यात आली आहे. तर दुसरा आरोपी फरार झाला आहे. याबाबत म्हसावद पोलीस स्टेशनला गुन्हा नोंदवण्यात आला आहे.
याबाबत म्हसावद पोलीस सूत्रानुसार माहिती अशी की, सोमवारी दुपारी तीन वाजता चिखली फाटा चौफुली पासून पोलिसांनी पाठलाग करून स्वीप्ट डिझायर गाडी (क्र. एम. एच. 04, इ.एक्स.0886) पकडली. या गाडीत दारू बनवण्यासाठी वापरात येणारे सहा स्पिरिटचे भरलेले स्कॅन आढळून आले. त्याची किंमत 67 हजार 200 असून जुनी स्विफ्ट डिझायर कार अंदाजे किंमत दोन लाख पन्नास हजार ताब्यात घेण्यात आली आहे.
यात आरोपी दिलीप लक्ष्मण पावरा रा. चुंडीपाडा बोराडी जवळ ता. शिरपूर यास अटक करण्यात आली असून रामेश्वर (पूर्ण नाव माहित नाही) फरार झाला आहे.याबाबत पो. कॉ. भीमसिंग ठाकरे यांनी फिर्याद दिली असून महाराष्ट्र दारूबंदी कायदा कलम 85 (इ )108 भा.दं.वी.34 प्रमाणे गुन्हा नोंद करण्यात आला आहे.पुढील तपास सपोनि राजन मोरे यांच्या मार्गदर्शनाखाली भीमसिंग ठाकरे, मधुकर तडवी पुढील तपास करत आहेत.
सपोनि राजन मोरे यांनी नुकतेच म्हसावद पोलिस ठाण्याचा पदभार घेताच ही पहिली कारवाई केल्याने त्यांचे अभिनंदन करण्यात येत आहे.या कारवाईत हवालदार भीमसिंग ठाकरे,हवालदार काशिनाथ साळवे,सुनील बागुल,वाहतूक हवालदार बहादूर भिलाला कलाम रावताळे या पथकाने केली आहे.
