नंदुरबार l प्रतिनिधी
स्वच्छ भारत मिशन ग्रामीण टप्पा दोन अंर्तगत स्वच्छ सर्वेक्षण ग्रामीण 2023 मध्ये पात्र ठरलेल्या जिल्हयातील तीन ग्रामपंचायतींची पालघर येथील राज्यस्तरीय पथकाकडुन करण्यात आली.
स्वच्छ सर्वेक्षण 2023 अंतर्गत नंदुरबार जिल्हयात शाश्वत स्वच्छतेत उत्कृष्ट काम करणाऱ्या जिल्ह्यातील श्रीरामपूर व नारायणपूर ता.जि. नंदुरबार आणि विसरवाडी ता .नवापूर या तीन ग्रामपंचायतीची राज्यस्तरीय तपासणीसाठी निवड करण्यात आली होती . त्यानुसार या ग्रामपंचायतीची पालघर येथील आत्माराम विसे , संजय ठाकरे व प्रियंका पाटील यांच्या पथकाने तपासणी केली .
यावेळी पथकामार्फत ग्रामपंचायत स्तरावरील कुटुंबांचे सर्वेक्षण करुन शौचालयाची तपासणी करण्यात आली.कुटुंबस्तरावरीय कचरा व्यवस्थापन व वर्गीकरण माहीती संकलित करण्यात आली. सार्वजनिक ठिकाणी कचरा व्यवस्थापन व सांडपाणी व्यवस्थापनाच्या कामाची तपासणी करण्यात आली. प्राथमिक आरोग्य केंद्र ,शाळा,अंगणवाडी व ग्रामपंचायत स्तरावरील शौचालय व पांण्याची सुविधाची तपासणी करण्यात आली. यावेळी संबंधीत ग्रामपंचायतीचे सरपंच , उपसरपंच , ग्रामपंचायत सदस्य , ग्रामस्थ व स्वच्छ भारत मिशन चे कर्मचारी उपस्थित होते .
