नंदूरबार l प्रतिनिधी
नंदुरबार येथील श्रीमती दुर्गाबाई रघुवंशी हायस्कूलच्या वतीने सर्व शिक्षक शिक्षकेतर वृंद व विद्यार्थी यांच्या संयुक्त सहभागाने आषाढी एकादशीच्या पूर्वसंध्येला प्रति पंढरपूर वारीचे आयोजन करण्यात आले होते. ‘अनुभवावी वारी एकदा तरी ‘या संत महात्म्यांचा उक्तीनुसार ‘ज्ञानोबा माऊली ज्ञानराय तुकाराम ‘ या संतांचा गजर करत नंदुरबार करांनी साक्षात पंढरपूरच्या वारीच्या भक्तिमय सोहळा अनुभवला .
वारीला शाळेचा प्रांगणात आरंभ होऊन विठ्ठल रुक्मिणीच्या चरणी आपली श्रद्धा आणि भक्तीचे फुले अर्पण करून वारी ची सांगता शाळेचा प्रांगणातच शिक्षक शिक्षककेतर वृंद व विद्यार्थी यांच्यातर्फे भक्तिमय वारीचे आणि ज्ञान कर्म भक्तीचे रिंगण सादर करून करण्यात आली .
यावेळी मयुर गवते- विठ्ठल, रुक्मिणी-प्रियांशु मच्छले , वासुदेव- तेजस वाडेकर , नाम्या प्रमोद घमंडे,जनाई-गणेश पाटील अश्या प्रकारे विविध संतांच्यावेशभूषा विद्यार्थ्यांनी परिधान केल्या.
या वारीला शाळेचे मुख्याध्यापक सुभाष चौधरी, उप मुख्याध्यपक पंकज पाठक, पर्यवेक्षक विपुल दिवाण या मान्यवरांनी मार्गदर्शन केले. कार्यक्रमाचे यशस्वीतेसाठी उत्सव समिती प्रमुख दिनेश वाडेकर, हेमंत खैरनार, योगेश गवते, निलेश गावित , संजय सैंदाने,तुषार नांद्रे, देवेंद्र कुलकर्णी ,प्रशांत जानी, विशाल मच्छले ,मिलिंद चव्हाण ,दिलीप पाटील,भरत पेंढारकर, राहुल पाटील,प्रशांत पाटील मंगेश उपासनी राजश्री गायकवाड,दिपाली भदाणे , योगिता साळी ,खंडू जाधव यांनी परिश्रम घेतले.
