नंदूरबार l प्रतिनिधी
नंदूरबार तालुक्यातील उमर्दे खु. येथे विठ्ठल-रुखमाई मंदिरात आषाढी एकादशी निमित्त जय्यत तयारी करण्यात आली असून दि.29 जुन रोजी आषाढी एकादशी निमित्त विविध कार्यक्रमाचे आयोजन करण्यात आले आहे .उमर्दे खु. ता. नंदूरबार येथे भव्य विठ्ठल रुक्माई मंदिर उभारण्यात आले आहे. विठ्ठल-रुखमाई मंदिरात आषाढी एकादशी निमित्त जय्यत तयारी करण्यात आली असून दि.29 जुन रोजी आषाढी एकादशी निमित्त मोठ्या संख्येने भाविक विठ्ठल-रुखमाईच्या दर्शनासाठी येणार असल्याने भाविकांमध्ये उत्साह शिगेला पोहोचला आहे.
दि.29 जुन रोजी आषाढी एकादशी निमित्त पहाटे ४ वाजेला भगवंताची आंघोळ त्यानंतर 5 वाजेला महाआरती, 6 वाजेला काकड आरती होईल, काकड आरती झाल्यानंतर विठ्ठल रखुमाईची महापूजा होणार आहे.महापुजेनंतर महाआरती होणार आहे.
सकाळी आठ वाजता उमर्दे खु. येथे भगवंताची वाजत गाजत पालखी मिरवणूक काढण्यात येणार आहे. सकाळी दहा वाजता भाविकांसाठी फराळ महाप्रसाद म्हणून वाटप करण्यात येईल.10 वाजेपासून भजनाचा कार्यक्रम होणार आहे.दिवसभर प्रसादाचे वाटप करण्यात येणार आहे.
सायंकाळी महाआरती चे आयोजन करण्यात येणार आहे. रात्री 9 ते 12 वाजता सुमधुर संगीतमय भजनाचा कार्यक्रमाचे आयोजन ट्रस्टीतर्फे करण्यात आले आहे.
उमर्दे खु. येथे विठ्ठल-रुखमाई मंदिरात दर्शनासाठी उपस्थित राहण्याचे आवाहन विठ्ठल मंदिर ट्रस्टचे अध्यक्ष गोविंद मराठे, उपाध्यक्ष जयंत गागरे, सचिव रमेश कुटे ट्रस्टचे सदस्य व ग्रामस्थांनी केले आहे.
