नंदूरबार l प्रतिनिधी
कौशल्य, रोजगार, उद्योजक व नाविन्यता विभाग महाराष्ट्र यांच्यावतीने अक्कलकुवा शासकीय औद्योगिक प्रशिक्षण संस्था या ठिकाणी युवाशक्ती करिअर शिबिर घेण्यात आले.
या शिबिरा प्रसंगी जिल्हा परिषदेचे अध्यक्ष डॉ. सुप्रिया गावित यांनी सांगितले की, दहावी बारावीनंतर विद्यार्थ्यांसाठी करिअरचे अनेक मार्ग आहेत. मात्र योग्य करिअरची निवड केल्याने भविष्यात त्यांना नोकरीसाठी मोठी संधी निर्माण होईल असेच निवडावं त्याचसोबत पगार देखील चांगला मिळेल, यासाठी आधुनिक करिअर निवडणे गरजेचे आहे.
येणारा काळ हा आधुनिक तंत्रज्ञानाच्या आहे. त्यासाठी शासकीय औद्योगिक प्रशिक्षण संस्थेकडून अनेक चांगले कोर्सेस आहेत. त्यात कम्प्युटर, मेकॅनिकल, इंजिनिअर, ॲनिमेशन, अशा महत्त्वाची कोर्सेस निवडल्याने याचा फायदा येणाऱ्या काळात विद्यार्थ्यांना मोठा होणार आहे. भारत देश हा विकसित देशात समाविष्ट झाला आहे, त्यामुळे आताचे विद्यार्थी हे देशाच्या भविष्य आहेत., त्यासाठी आपलं करिअर निवडताना योग्य निवडावं.
युवाशक्ती करिअर शिबिरात जिल्हा परिषदेचे अध्यक्ष डॉ. सुप्रिया गावित, सरपंच उषाताई बोरा, पंचायत समिती सभापती नानसिंग वळवी, प्राचार्य औ.प्र. संस्था अक्कलकुवा आर.पी.नाईकनवरे, प्राचार्य औ.प्र. संस्था आक्रणी एम बी ढोलार, त्यासोबत प्राध्यापक आणि विद्यार्थी मोठ्या संख्येने उपस्थित होते.
