विसरवाडी l
नवापूर तालुक्यातील भरडू येथील आदिवासी सेवा व शिक्षण प्रसारक संस्था, नवापूर संचलित अनुदानित माध्यमिक व कनिष्ठ महाविद्यालय आश्रम शाळेतील एस. एस.सी परीक्षेचा निकाल दि. २ जुन शुक्रवार रोजी दुपारी १ वाजेनतंर ऑनलाइन निकाल जाहीर झाला.यात नंदुरबार प्रकल्पांतर्गत आश्रमशाळेत यशाची परंपरा कायम राखत १०० टक्के निकाल लागला असुन २५ विद्यार्थी विशेष प्रावीण्य श्रेणीत उत्तीर्ण झाले आहेत. भरडू आश्रमशाळेतील विद्यार्थ्यांनी घवघवीत यश संपादन केले आहे.
भरडू ता.नवापूर येथील अनुदानित प्राथमिक, माध्यमिक व उच्च माध्यमिक आश्रम शाळेचा एस एस सी इयत्ता दहावी बोर्डाच्या परीक्षेत १०० टक्के शाळेचा निकाल लागला आहे.
यावेळी एस.एस.सी इयत्ता दहावी बोर्डाच्या परीक्षेत ८३ विद्यार्थी परीक्षेला बसले होते. यावेळी भरडू आश्रम शाळेचा निकाल १०० टक्के लागला असून निखिल मनोज वसावे व सुरज संदिप वळवी या दोघांना ८८.२० टक्के गुण मिळवून प्रथम क्रमांक पटकाविला, रोहिणी मनोज गावित हीने ८७.८० टक्के गुण मिळवून द्वितीय क्रमांक, भारती सखाराम गावित ८७ टक्के गुण मिळवून तृतीय क्रमांक, शितल दिलवर गावित व आर्यन अनिल गावित दोघांना ८६.६०गुण मिळवून चतुर्थ क्रमांक तर प्रितीशा राजू वळवी हीने ८६.२० गुण मिळवून पाचव्या क्रमांकावर उत्तीर्ण होऊन यश मिळाले आहे.
सदर विद्यार्थ्यांना माध्यमिक शिक्षक व प्राचार्य महेंद्र वळवी यांचे मार्गदर्शन लाभले. सर्व उत्तीर्ण विद्यार्थ्यांचे संस्था अध्यक्ष माजी मंत्री सुरूपसिंग नाईक, कार्याध्यक्ष तथा आमदार शिरीषकुमार नाईक, उपाध्यक्ष हरिश अग्रवाल, मानद सचिव अजित नाईक, तानाजी वळवी, कोषाध्यक्ष आरिफभाई बलेसरीया,भरडु गटाचे जिल्हा परिषद सदस्य मधुकर नाईक, प्राथमिक मुख्याध्यापक जितेंद्र कुवर व भरडू ग्रामपंचायत सरपंच प्रियंका वळवी यांनी विद्यार्थ्यांचे कौतुक केले.
