नंदूरबार l प्रतिनिधी
नंदुरबार येथील बसस्थानक कॉम्प्लेक्स बाहेर दुकानांसमोरील असलेले अतिक्रमण पूर्णपणे हटविले नाही तर संपूर्ण कॉम्प्लेक्स बंद ठेवून आंदोलन करण्यात येईल अशी माहिती बसस्थानक कॉम्प्लेक्सच्या व्यावसायिकांनी दिली आहे.
नंदुरबार शहरातील बस स्थानकावर असलेल्या साई रचना कॉम्प्लेक्स समोरील अतिक्रमण पूर्णपणे न हटविल्यास संपूर्ण कॉम्प्लेक्स बंद ठेवण्याच्या निर्णय येथील व्यावसायिकांनी घेतला आहे.अशा पद्धतीचे निवेदन नगरपालिकेचे मुख्याधिकारी तसेच आगार प्रमुख यांना दिले आहे यापूर्वी दिलेल्या निवेदनानंतर कॉम्प्लेक्स समोरील अतिक्रमण होते ते काही प्रमाणात काढले आहे. मात्र ते पूर्णपणे काढण्यात यावे यासंदर्भात येथील सर्व व्यावसायिकांनी मिळून हा निर्णय घेतला आहे. त्या संदर्भात संपूर्ण व्यावसायिकांची बैठक घेण्यात आली व संबंधित अधिकाऱ्यांना निवेदन देण्यात आले आहे .
पालिकेमार्फत शहरात अतिक्रमण काढण्याची मोहीम सुरू आहे त्या अंतर्गत काही प्रमाणात अतिक्रमण काढले व त्या टपऱ्या कॉम्प्लेक्स च्या आवारात ठेवण्यात आले आहेत त्यामुळे येथील व्यावसायिकांना त्याच्या त्रास होत आहे.व्यत्यय आहे त्यामुळे प्रशासनाने संपूर्ण अतिक्रमण काढून बस स्थानक कॉम्प्लेक्सच्या या सर्व व्यावसायिकांना न्याय मिळवून द्यावा अशी मागणी व्यावसायिकांच्या वतीने करण्यात आलेली आहे या निवेदनावर व्यवसायिकांनी सह्या केल्या आहेत.
