नंदूरबार l प्रतिनिधी
राज्यातील आरोग्य सुविधा बळकट व्हावी यासाठी शासनातर्फे “सुंदर माझा दवाखाना” हा नाविन्यपूर्ण उपक्रम राबविण्यात येत आहे “सुंदर माझा दवाखाना” या नावीन्यपूर्ण योजनेचा शुभारंभ जिल्हा परिषदेच्या अध्यक्षा डॉ. सुप्रिया गावित यांच्या हस्ते प्रतिमा पूजन करत तालुक्यातील लहान शहादाच्या आरोग्य केंद्रावर करण्यात आले.
या योजनेमुळे जिल्ह्यातील जिल्हा रुग्णालय, तालुका रुग्णालय, प्राथमिक केंद्र, उपकेंद्र, अवस्था चांगल्या पद्धतीने सुधारणार आहेत आणि या ठिकाणी लागणारे नवीन साहित्य बसवण्यात येणार आहे. यामुळे आरोग्याच्या समस्यासाठी गाव पातळीवरून जिल्ह्याच्या ठिकाणावर आरोग्याच्या सुविधासाठी यावा लागत असतं, मात्र या उपक्रमामुळे आता गाव, पाड्यात सुविधा मिळणार आहेत. त्यामुळे सर्वसामान्य कुटुंबांना याच्या मोठा फायदा होणार आहे.
सुंदर माझा दवाखान्यासाठी श्रमदानातून, सीएसआर फंडातून, जिल्हा परिषदेच्या शेष निधीतून, आर के एस निधीतून, निधी रुग्णालयांना दिला जाणार आहे, तर NGO यांनी संस्था दत्तक घेऊन त्यात सुधारणा करण्यासाठी मदत करणार आहेत.
या योजनेसाठी जिल्हा परिषदेची मोठी मदत होणार आहे. त्यामुळे आता आरोग्याच्या समस्या थेट आपल्या गावपाड्यांवरच मिळणार आहेत. यावेळी जिल्हा परिषदेचे उपाध्यक्ष सुहास नाईक, जिल्हा आरोग्य अधिकारी गोविंद चौधरी, तालुका वैद्यकीय अधिकारी डॉ.जाफर तडवी, लहान शहादा केंद्रातील डॉक्टर, सरपंच, उपसरपंच आणि पंचक्रोशीतील नागरिक मोठ्या संख्येने उपस्थित होते.
