नंदुरबार l प्रतिनिधी
अलिकडच्या काळात राहुल गांधीनी वीर सावरकर यांच्या बददल अपमानास्पद उदगार काढले होते. काँग्रेस पक्षाचे नेते वीर सावरकरांचा सातत्याने अपमान करीत आहेत. देशासाठी वीर सावरकरांचे त्याग, बलिदान फार मोठे आहे.
स्वातंत्रय लढयात त्यांचे योगदान उल्लेखनीय आहे. यामुळेच भारतीय जनता पार्टीच्या वतीने भाजपा प्रदेशाध्यक्ष चंद्रशेखर बावनकुळे यांच्या आदेशाने महाराष्ट्रात वीर सावरकर गौरव यात्रेचे आयोजन करण्यात आले आहे.
त्यानुसार नंदुरबारला दिनांक 6 एप्रिल 2023 रोजी सायंकाळी 04.30 वा. शहरातील मोठा मारुती मंदिरावरुन भव्य वीर सावरकर गौरव यात्रेचे आयोजन करण्यात आले आहे. हि यात्रा मोठा मारुती मंदिरापासुन, छपत्रती नाटयमंदिर, पंडीत दिनदयाल चौक, जुन्या नगरपालिकेजवळ नेहरु पुतळया वरुन हाट दरवाजा, हुतात्मा स्मारक येथे समारोप होणार आहे. हया गौरव यात्रेत भाजपा चे प्रदेशाचे महामंत्री विजय चौधरी, आदिवासी विकास मंत्री डॅ.विजयकुमार गावित, खा.डॉ.हिना गावित, जि.प.अध्यक्षा डॉ. सुप्रिया गावित उपस्थीत राहणार आहेत.
वीर सावरकरांच्या या गौरव यात्रेत नंदुरबार शहर व ग्रामीण भागातील विविध संघटना, शिक्षण संस्था, व्यापारी प्रतिष्ठाने, व्यायाम शाळा, सामाजिक राजकीय क्षेत्रातले सर्व पक्षीय कार्यकर्ते आदींनी मोठया संख्येने उपस्थित रहावे अशी विनंती भाजपा जिल्हा संघटन सरचिटणीस निलेश माळी व शहराध्यक्ष नरेंद्र माळी यांनी केली आहे.
