शहादा l प्रतिनिधी
येथील पूज्य सानेगुरुजी विद्याप्रसारक मंडळाचे कला, विज्ञान व वाणिज्य महाविद्यालयातील इंग्रजीचे प्राध्यापक रवींद्र एस. माळी यांना नुकतीच कवयित्री बहिणाबाई चौधरी उत्तर महाराष्ट्र विद्यापीठातर्फे पीएच.डी. पदवी प्राप्त झाली.
प्रा.रविंद्र माळी हे पूज्य साने गुरूजी विद्या प्रसारक मंडळाच्या कला,विज्ञान व वाणिज्य वरिष्ठ महाविद्यालयाच्या इंग्रजी विभागात कार्यरत आहेत.त्यांनी नरडाणा येथील कै. एम. डी. सिसोदे उर्फ भाऊसाहेब कला व वाणिज्य महाविद्यालयाचे प्राध्यापक डॉ. पी. जी. सोनवणे यांचे त्यांना मोलाचे मार्गदर्शन लाभले. त्यांनी “Narrative Techniques in the popular fiction of Chetan Bhagat” या विषयावर आपला प्रबंध सादर केला होता. त्यांच्या या यशाबद्दल शहादा येथील पूज्य सानेगुरुजी विद्याप्रसारक मंडळाचे अध्यक्ष बापूसाहेब दीपक पाटील, उपाध्यक्ष जगदीश पाटील,मानद सचिव श्रीमती कमलताई पाटील, संस्थेचे समन्वयक प्रा.मकरंद पाटील, प्राचार्य डॉ. आर.एस पाटील, उपप्राचार्य डॉ.एम.के. पटेल व डॉ. एस.डी.सिंदखेडकर व प्राध्यापक वृंदाने अभिनंदन केले.
