नंदुरबार l प्रतिनिधी
नंदुरबार शहरातील सराफ बाजारातील दुकानातून साडेतीन लाख रुपयांची सोनेमिश्रीत माती चोरुन नेल्याप्रकरणी चौघा अनोळखींविरोधात गुन्हा दाखल करण्यात आला आहे.
याबाबत पोलिस सूत्रांनी दिलेल्या माहितीनूसार, नंदुरबार येथील यज्ञेश महेश सोनी यांचे सराफ बाजारात श्री.जी. दिपज्योती डाय कटर्स नावाचे सोन्याचे दुकान आहेे. सदर दुकानातून चोरट्यांनी साडेतीन लाख रुपये किमंतीची ५ ते ५ किलो वजनाची सोनेमिश्रीत माती चोरुन नेली. याबाबत यज्ञेश सोनी यांच्या फिर्यादीवरुन नंदुरबार शहर पोलिस ठाण्यात चार अनोळखी इसमांविरोधात भादंवि कलम ३७९, ३४ प्रमाणे गुन्हा दाखल करण्यात आला आहे. पुढील तपास सहाय्यक पोलिस उपनिरीक्षक स्नेहदीप शिंदे करीत आहेत.
