नंदूरबार l प्रतिनिधी
नंदूरबार जिल्ह्यातील शहादा येथून धडगाव कडे जाणाऱ्या बस मधील 79 वर्षीय प्रवाश्याचा मृत्यू झाल्याची धक्कादायक घटना घडली आहे. ही घटना धडगाव तालुक्यातील खामला गावादारम्यान घडली आहे.
धडगाव तालुका दुर्गम भाग असल्याने बराच प्रवास घाटातुन होत असतो बस व खाजगी प्रवाशी वाहने याना वाहन चालवताना मोठी कसरत करावी लागत असते. नंदुरबार जिल्ह्यातील शहादा हुन धडगाव कडे जाणाऱ्या बस (क्र. एम.एच.20,बी.एल. 3562) या गाडीत सिंगा कुत्र्या पाडवी (79 ) हे वयोवृद्ध प्रवाशी प्रवास करीत होते. त्यांची तब्येत खराब होत असल्याचे बस वाहक याना समजताच तात्काळ त्यांनी बस थेट धडगाव तालुक्यातील मांडवी प्राथमिक उपचार केंद्रावर नेत सिंगा पाडवी यांना उपचारासाठी दाखल केले.
परंतु डॉक्टरांनी तपासणी केली असता त्यांच्या मृत्यू झाल्याची प्राथमिक माहिती डॉक्टरांनी दिली. चालत्या बस मध्येच त्यांचा मृत्यू झाल्याचे अंदाज व्यक्त केल्या जात आहे. सिंगा कुत्र्या पाडवी हे वयोवृध्द शहादा तालुक्यातील पिंपरापाणी येथील रहिवासी होते दरा गावं येथून ते बस मध्ये बसले होते आणि घाटात त्यांची तब्येत बिघडली होती.
सिंगा पाडवी यांचा मृतदेह धडगाव ग्रामीण रुग्णालयात दाखल करण्यात आला आहे. त्यांचा मृत्यू नेमका कशामुळे झाला हे अद्यापही स्पष्ट झाल नसल्याची माहिती मिळतेय असे बस वाहक शांताराम दांडगे यांनी सांगितले.
